Balakrishna: 'అఖండ' బిజినెస్.. నిర్మాత అన్ని కోట్లు వదులుకుంటాడా..?

బాలకృష్ణ నటిస్తోన్న 'అఖండ' సినిమా రిలీజ్ డేట్ ని ఇప్పటివరకు ప్రకటించకపోవడానికి కారణం ఉంది. అదేంటంటే..?

నందమూరి బాలకృష్ణ-బోయపాటి శ్రీను కాంబినేషన్ లో తెరకెక్కిన చిత్రం 'అఖండ'. రీసెంట్ గా ఈ సినిమా షూటింగ్ పూర్తికాగా.. చిత్రబృందం ప్రమోషన్ కార్యక్రమాలు షురూ చేసింది. తాజాగా సినిమా టైటిల్ సాంగ్ ను విడుదల చేయగా.. దానికి ప్రేక్షకుల నుంచి మంచి రెస్పాన్స్ వస్తోంది. ఈ సినిమాపై భారీ అంచనాలు నెలకొన్నాయి. అయితే ఇప్పటివరకు సినిమా రిలీజ్ డేట్ ను ప్రకటించలేదు. ముందుగా ఈ ఏడాది మే నెలలో విడుదల చేయాలనుకున్నారు కానీ కరోనా కారణంగా వాయిదా పడింది. ఇప్పటివరకు కొత్త రిలీజ్ డేట్ ను అనౌన్స్ చేయలేదు. 

దానికి కారణం ఏంటంటే.. ఆంధ్రాలో టికెట్ రేట్లు. నిజానికి సినిమా రిలీజ్ డేట్ ను అనౌన్స్ చేయడానికి, మార్కెటింగ్ చేసుకోవడానికి ఎలాంటి సమస్యలు లేవు. కానీ తగ్గిన టికెట్ రేట్లే కారణం. 'అఖండ' సినిమాను చాలా రోజుల క్రితం ఆంధ్ర ఏరియాకు రూ.35 కోట్లకు రేషియాలో అమ్మేశారు. దానికి సంబంధించిన అగ్రిమెంట్స్ కూడా అయిపోయాయి. కొత్త రేట్లు వస్తాయని నమ్మిన బయ్యర్లు అంత మొత్తం పెట్టి హక్కులు దక్కించుకున్నారు. కానీ ఇప్పుడు రేట్లు పెరుగుతాయో లేదో తెలియదు. 

ఇప్పుడు సినిమాను రిలీజ్ చేస్తామంటే బయ్యర్లు ఆ రేట్లకు కిట్టుబాటు కాదని అంటున్నారు. కనీసం పాతిక నుంచి ముప్పై శాతం కట్ చేయమని అడుగుతున్నారు. అంటే రూ.28 కోట్ల రేషియాలో సినిమాను అమ్మాల్సి ఉంటుంది. ఆంధ్ర తగ్గిస్తే సీడెడ్ కూడా రేట్లు తగ్గించాల్సి ఉంటుంది. అంటే ఓవరాల్ గా ఓ పది కోట్ల వరకు ఆదాయం పోతుంది. దీనికి నిర్మాత అసలు ఒప్పుకోవడం లేదు. ఎందుకంటే సినిమాపై చాలా పెట్టుబడి పెట్టేశారు. దర్శకుడు బోయపాటి సినిమాకు మాములుగా ఖర్చు చేయించలేదు. 

సినిమాకు నాన్ థియేట్రికల్ హక్కులు మంచి రేటుకే పలికినప్పటికీ.. థియేటర్ మీద మరో యాభై కోట్లు వస్తేనే బయటపడతారట. ఇప్పటికే నిర్మాత మిరియాల రవీందర్ రెడ్డి హిట్లు లేక ఆర్థికంగా ఇబ్బందిపడుతున్నారు. 'అఖండ'తో  అవుతారనుకుంటే.. ఇప్పుడేమో ఈ సమస్య వచ్చి పడింది. దీంతో బయ్యర్లతో వరుసగా మీటింగ్స్ కండక్ట్ చేస్తున్నారు. అవి కొలిక్కి వస్తే తప్ప రిలీజ్ డేట్ అనౌన్స్మెంట్ వచ్చే ఛాన్స్ లేదు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి