రాజకీయ హత్యలతో బంగాల్ మళ్లీ అట్టుడికింది. బీర్ భూమ్ జిల్లాలో రాజకీయ హత్యకు ప్రతీకారంగా కొందరు దుండగులు మంగళవారం తెల్లవారుజామున ఐదు ఇళ్లకు నిప్పంటించారు. ఇంట్లోని వారు బయటికి రాకుండా తాళాలు వేసి ఈ పని చేశారు. ఈ ఘటనలో ఎనిమిది మంది మృతి చెందినట్లు పోలీసులు తెలిపారు.
ఎందుకు?
బీర్భూమ్లోని రాంపూర్హాట్ ప్రాంతంలో ఈ ఘటన జరిగింది. తృణమూల్ కాంగ్రెస్ నాయకుడి హత్యకు ప్రతీకారం తీర్చుకునేందుకే ప్రత్యర్థుల ఇళ్లకు కొంతమంది నిప్పంటించారని స్థానికులు తెలపారు. బీర్భూమ్లోని రాంపూర్హాట్లో టీఎంసీకి చెందిన పంచాయితీ నాయకుడు భాదు ప్రధాన్పై గుర్తు తెలియని దుండగులు బాంబులు వేశారు.
ఓ బృందం 7 నుంచి 8 ఇళ్లకు తాళాలు వేసి నిప్పంటించారు. ఈ ఘటనలో 8 మంది సజీవ దహనమయ్యారు. ఘటనా స్థలానికి బీర్భూమ్ జిల్లా మేజిస్ట్రేట్, అగ్నిమాపక అధికారులు, స్థానిక పోలీసులు చేరుకున్నారు. క్షతగాత్రులను ఆసుపత్రికి తరలించారు. కేసు నమోదు చేసుకుని పోలీసులు దర్యాప్తు చేస్తున్నారు.