By: ABP Desam | Updated at : 17 Feb 2022 01:19 PM (IST)
Edited By: Ramakrishna Paladi
ఫిక్స్డ్ డిపాజిట్ రేట్లు
SBI, HDFC FD Interest Rates: చూస్తుంటే బ్యాంకు కస్టమర్లకు మంచిరోజులు వచ్చినట్టున్నాయి! ప్రభుత్వ, ప్రైవేటు రంగాల్లోని అతిపెద్ద బ్యాంకులు పోటీపడి మరీ వడ్డీరేట్లు పెంచుతున్నాయి. గురువారం ఉదయమే ఫిక్స్డ్ డిపాజిట్లపై వడ్డీరేట్లు సవరిస్తున్నామని హెచ్డీఎఫ్సీ ప్రకటించింది. మరికాసేపటికే తామూ పెంచుతున్నామని ఎస్బీఐ వెల్లడించింది. వడ్డీరేట్లపై భారతీయ రిజర్వు బ్యాంకు యథాతథ స్థితిని అనుసరిస్తున్నా ఈ రెండు బ్యాంకులూ దూకుడుగా నిర్ణయాలు తీసుకుంటుండటం గమనార్హం.
HDFC Bank । హెచ్డీఎఫ్సీ బ్యాంక్
కొన్ని రకాల ఫిక్స్డ్ డిపాజిట్లపై హెచ్డీఎఫ్సీ బ్యాంకు వడ్డీరేట్లను పెంచింది. రూ.2 కోట్ల కన్నా తక్కువ డిపాజిట్లపై వడ్డీరేట్లను 5-10 బేసిస్ పాయింట్ల మేర సవరిస్తున్నట్టు తెలిపింది. ఫిబ్రవరి 14 నుంచి ఇవి అమల్లోకి వచ్చాయని వెల్లడించింది. ఏడాది కాల పరిమితితో కూడిన డిపాజిట్లపై వడ్డీరేటును 10 బేసిస్ పాయింట్లు పెంచడంతో 4.9 శాతంగా ఉన్న వడ్డీ 5 శాతానికి పెరిగింది. ఇక రెండేళ్ల కాల పరిమితి ఫిక్స్డ్ డిపాజిట్ల వడ్డీరేట్లనూ 5 శాతానికి పెంచారు. 2-3 ఏళ్ల కాల పరిమితి డిపాజిట్ల వడ్డీరేటును 5.20 శాతంగానే ఉంచారు. 3-5 ఏళ్ల కాల వ్యవధితో కూడిన డిపాజిట్లపై వడ్డీరేటును 5 బేసిన్ పాయింట్లు సవరించి 5.45 శాతానికి పెంచారు. 5-10 ఏళ్ల ఎఫ్డీలపై వడ్డీరేటు 5.60 శాతంగా ఉంది. హెచ్డీఎఫ్సీ బ్యాంకు జనవరిలోనే వడ్డీరేట్లను సవరించిన సంగతి తెలిసిందే.
SBH- State Bank of India । ఎస్బీఐ
ప్రభుత్వ రంగ భారతీయ స్టేట్ బ్యాంక్ సైతం దీర్ఘకాల ఫిక్స్డ్ డిపాజిట్ల వడ్డీరేట్లను 15 బేసిస్ పాయింట్ల మేర సవరించింది. పెంచిన వడ్డీరేట్లు ఫిబ్రవరి 15 నుంచి అమల్లోకి వస్తాయని తెలిపింది. 3-5 ఏళ్ల ఎఫ్డీలపై వడ్డీరేటును 5.30 నుంచి 5.45 శాతానికి పెంచింది. సీనియర్ సిటిజన్లకు 5.80 నుంచి 5.95 శాతానికి పెంచారు. ఇక 2-3 ఏళ్ల ఫిక్స్డ్ డిపాజిట్లపై వడ్డీరేటును 10 బేసిస్ పాయింట్లు సవరించారు. గతంలో 5.10 శాతం వడ్డీ ఇస్తుండగా ఇప్పుడది 5.45కు పెరిగింది. సీనియర్ సిటిజన్లకు 5.80 నుంచి 5.95కు పెంచారు.
రెండు నుంచి మూడేళ్లలోపు ఎఫ్డీలపై 10 బేసిస్ పాయింట్లు పెంచారు. గతంలో 5.10 శాతం వడ్డీ ఇస్తుండగా ఇప్పుడది 5.20 శాతానికి పెరిగింది. సీనియర్ సిటిజన్లకు ఇది 5.60 నుంచి 5.70కు పెరిగింది. 5 నుంచి 10 ఏళ్ల ఎఫ్డీల వడ్డీ రేటు 5.40 నుంచి 5.50కు పెంచారు. సీనియర్ సిటిజన్లకు 6.20 నుంచి 6.30 శాతానికి పెంచారు. పెంచిన వడ్డీరేట్లు రూ.2 కోట్ల కన్నా తక్కువ విలువైన ఎఫ్డీలకే వర్తిస్తాయి.
Latest Gold-Silver Prices Today: మళ్లీ రికార్డ్ స్థాయిలో పెరిగిన గోల్డ్ - ఈ రోజు బంగారం, వెండి ధరలు కొత్త ఇవి
Gold-Silver Prices Today: గోల్డ్ మంట మామూలుగా లేదు - తెలుగు రాష్ట్రాల్లో ఈ రోజు బంగారం, వెండి ధరలు ఇవి
SBI Debit Card Charges: ఎస్బీఐ కస్టమర్లకు భారీ షాక్, మీ కార్డులు మాకొద్దు మహాప్రభో అనేలా ఉన్నారు!
Bank Holidays: ఏప్రిల్లో పెద్ద పండుగలు, నెలలో సగం రోజులు బ్యాంక్లు బంద్
Latest Gold-Silver Prices Today: భారీ షాక్ ఇచ్చిన స్వర్ణం - ఈ రోజు బంగారం, వెండి కొత్త ధరలు ఇవి
BRS on Kadiam : కడియం నమ్మక ద్రోహి - ఎమ్మెల్యే పదవికి రాజీనామా చేయాలని బీఆర్ఎస్ నేతల డిమాండ్
AP DSC: ఏపీలో 40 సంవత్సరాల్లో 16 డీఎస్సీలు, ఎవరి హయాంలో ఎన్ని వెలువడ్డాయంటే?
KK Meets Revanth Reddy: రేవంత్తో కేకే సమావేశం- పార్టీలోకి ఆహ్వానించిన కాంగ్రెస్ అగ్రనాయకత్వం
Tillu Square Movie Review - టిల్లు స్క్వేర్ రివ్యూ: సిద్ధూ జొన్నలగడ్డ, అనుపమా పరమేశ్వరన్ సినిమా హిట్టా? ఫట్టా? సినిమా ఎలా ఉందంటే?