Stock Market Today: పైకీ.. కిందికీ! సెన్సెక్స్‌, నిఫ్టీ ఆద్యంతం ఊగిసలాటే!!

Stock Market Closing Bell 30 June 2022: భారత స్టాక్‌ మార్కెట్లు (Indian equity markets) గురువారం స్వల్ప నష్టాల్లో ముగిశాయి. ఆసియా, అంతర్జాతీయ మార్కెట్ల నుంచి సానుకూల సంకేతాలు అందడం లేదు. డెరివేటివ్స్‌ కాంట్రాక్టుల చివరి రోజు కావడంతో సూచీలు ఆద్యంతం ఊగిసలాడాయి. ఎన్‌ఎస్‌ఈ నిఫ్టీ (NSE Nifty) 18 పాయింట్ల నష్టంతో 15,780, బీఎస్‌ఈ సెన్సెక్స్‌ (BSE Sensex) 8 పాయింట్ల లాభంతో 53,018 వద్ద ముగిశాయి. క్రితం రోజు 78.96 వద్ద ముగిసిన రూపాయి నేడు 78.97 వద్ద ముగిసింది.

BSE Sensex

క్రితం సెషన్లో 53,026 వద్ద ముగిసిన బీఎస్‌ఈ సెన్సెక్స్‌ నేడు 52,897 వద్ద భారీ గ్యాప్‌డౌన్‌తో మొదలైంది. 52,883 వద్ద ఇంట్రాడే కనిష్ఠాన్ని తాకింది. 53,377 వద్ద ఇంట్రాడే గరిష్ఠాన్ని అందుకుంది. చివరికి 8 పాయింట్ల నష్టంతో 53,018 వద్ద ముగిసింది.

NSE Nifty

బుధవారం 15,799 వద్ద ముగిసిన ఎన్‌ఎస్‌ఈ నిఫ్టీ గురువారం 15,774 వద్ద ఓపెనైంది. 15,728 వద్ద ఇంట్రాడే కనిష్ఠాన్ని చేరుకుంది. 15,890 వద్ద ఇంట్రాడే గరిష్ఠాన్ని అందుకుంది. మొత్తంగా 18 పాయింట్ల నష్టంతో 15,780 వద్ద ముగిసింది.

Nifty Bank

నిఫ్టీ బ్యాంక్‌ లాభాల్లో ముగిసింది. ఉదయం 33,180 వద్ద మొదలైంది. 33,179 వద్ద ఇంట్రాడే కనిష్ఠాన్ని తాకింది. 33,659 వద్ద ఇంట్రాడే గరిష్ఠాన్ని అందుకుంది. చివరికి 155 పాయింట్ల లాభంతో 33,425 వద్ద క్లోజైంది.

Gainers and Lossers

నిఫ్టీ 50లో 13 కంపెనీలు లాభాల్లో 36 నష్టాల్లో ఉన్నాయి. యాక్సిస్‌ బ్యాంక్‌, ఎస్‌బీఐ, దివీస్‌ ల్యాబ్‌, బ్రిటానియా, హెచ్‌డీఎఫ్‌సీ లైఫ్‌ షేర్లు లాభపడ్డాయి. ఐచర్‌ మోటార్స్‌, సిప్లా, బీపీసీఎల్‌, జేఎస్‌డబ్ల్యూ స్టీల్‌, శ్రీసెమ్‌ షేర్లు నష్టపోయాయి. బ్యాంకు మినహా మిగతా రంగాల సూచీలన్నీ ఎరుపెక్కాయి. ఆటో, ఐటీ, మెటల్‌, రియాల్టీ రంగాల సూచీలు ఒక శాతం కన్నా ఎక్కువగా పతనం అయ్యాయి.