Stock Market Closing: ఎగిసిన సెన్సెక్స్‌, నిఫ్టీ! ఒక్క రోజులో రూ.2.5 లక్షల కోట్లు లాభపడ్డ ఇన్వెస్టర్లు!

Stock Market Closing Bell 11 August 2022: భారత స్టాక్‌ మార్కెట్లు గురువారం భారీ లాభాల్లో ముగిశాయి. అంతర్జాతీయంగా సానుకూల సంకేతాలు అందడంతో మదుపర్లు కొనుగోళ్లు చేపట్టారు. ప్రధాన సూచీలు నిరోధాల్ని అధిగమించాయి. ఎన్‌ఎస్‌ఈ నిఫ్టీ (NSE Nifty) 124 పాయింట్ల లాభంతో 17,659 బీఎస్‌ఈ సెన్సెక్స్‌ (BSE Sensex) 515 పాయింట్ల లాభంతో 59,332 వద్ద ముగిశాయి. ఇన్వెస్టర్లు నేడు రూ.2.5 లక్షల కోట్ల మేర పోగేశారు. డాలర్‌తో పోలిస్తే రూపాయి స్వల్పంగా బలపడి 79.70 వద్ద క్లోజైంది.

BSE Sensex

క్రితం సెషన్లో 58,817 వద్ద ముగిసిన బీఎస్‌ఈ సెన్సెక్స్‌ నేడు 59,320 వద్ద మొదలైంది. 59,320 వద్ద ఇంట్రాడే కనిష్ఠాన్ని తాకింది. 59,484 వద్ద ఇంట్రాడే గరిష్ఠాన్ని అందుకుంది. చివరికి 515 పాయింట్ల లాభంతో 59,332 వద్ద ముగిసింది.

NSE Nifty

బుధవారం 17,534 వద్ద ముగిసిన ఎన్‌ఎస్‌ఈ నిఫ్టీ గురువారం 17,711 వద్ద ఓపెనైంది. 17,631 వద్ద ఇంట్రాడే కనిష్ఠాన్ని చేరుకుంది. 17,719 వద్ద ఇంట్రాడే గరిష్ఠాన్ని అందుకుంది. చివరికి 124 పాయింట్ల లాభంతో 17,659 వద్ద క్లోజైంది.

Nifty Bank

నిఫ్టీ బ్యాంక్‌ భారీ లాభాల్లో ముగిసింది. ఉదయం 38,712 వద్ద మొదలైంది. 38,648 వద్ద ఇంట్రాడే కనిష్ఠాన్ని తాకింది. 38,932 వద్ద ఇంట్రాడే గరిష్ఠాన్ని అందుకుంది. మొత్తంగా 592 పాయింట్ల లాభంతో 38,879 వద్ద క్లోజైంది.

Gainers and Lossers

నిఫ్టీ 50లో 29 కంపెనీలు లాభాల్లో 21 నష్టాల్లో ముగిశాయి. యాక్సిస్‌ బ్యాంక్‌, ఇండస్‌ ఇండ్‌ బ్యాక్‌, బజాజ్‌ ఫైనాన్స్‌, హెచ్‌డీఎఫ్సీ, టెక్‌ మహీంద్రా షేర్లు లాభపడ్డాయి. టాటా కన్జూమర్‌, అపోలో హాస్పిటల్స్, ఐటీసీ, ఎన్‌టీపీసీ, హిందుస్థాన్‌ యునీలివర్‌ షేర్లు నష్టపోయాయి. ఆటో, ఎఫ్‌ఎంసీజీ, మీడియా, మెటల్‌ సూచీలు ఎరుపెక్కాయి. బ్యాంకు, ఐటీ,మీడియా, ఫార్మా, రియాల్టీ, హెల్త్‌కేర్‌, కన్జూమర్‌ డ్యురబుల్స్‌, ఆయిల్‌ అండ్‌ గ్యాస్‌ సూచీలు ఎగిశాయి.

 

 

 

 

 

View this post on Instagram

 

 

 

 

 

 

 

 

 

 

 

A post shared by BSEIndia (@bseindia)

Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.