Daily Horoscope for july 17th 2024
మేష రాశి
మేష రాశి వారికి ఈ రోజు మంచి రోజు అవుతుంది. మీరు మీ నైపుణ్యంతో కష్టమైన పనులను పూర్తి చేస్తారు. సామాజిక కార్యక్రమాల్లో పాల్గొంటారు. ప్రేమ జీవితంలో కొనసాగుతున్న సమస్యలు పరిష్కారమవుతాయి. వైవాహిక జీవితం బావుంటుంది. వ్యాపారంలో లాభం ఉంటుంది.
వృషభ రాశి
వృషభ రాశి వారికి ఈ రోజు మిశ్రమ ఫలితాలుంటాయి. తొందరపడి నిర్ణయాలు తీసుకోకండి. ఈ రోజు కెరీర్‌కు సంబంధించి అనుకూలమైన రోజు. వ్యాపారంలో సాధారణ పురోగతి ఉంటుంది. వైవాహిక జీవితంలో ఒత్తిడి పెరుగుతుంది.
మిథున రాశి
ఈ రాశివారికి ఈ రోజు సాధారణంగా ఉంటుంది. కొన్ని వివాదాల వల్ల చికాకులు పెరగవచ్చు. పెద్దల ఆశీస్సులు అందుకుంటారు. సామాజిక కార్యక్రమాలు సజావుగా సాగుతాయి. ఆర్థిక ప్రయోజనాలు పెరుగుతాయి. అనుకోని పనులపై ప్రయాణం చేయాల్సి రావొచ్చు.
Also Read: గురు పౌర్ణమి సందర్భంగా అరుణాచ‌లం గిరి ప్రద‌క్షిణ‌కు ప్రత్యేక బస్సులు -APSRTC, TSRTC ప్యాకేజీలివే!
కర్కాటక రాశి
ఈ రోజు మీరు గుడ్ న్యూస్ వింటారు. రోజంతా సంతోషంగా ఉంటారు. ఆర్థిక లాభం ఉంటుంది. పాత అప్పులు తీర్చేస్తారు. వృత్తి, ఉద్యోగాలలో పురోగతి ఉంటుంది. విద్యార్థులు పోటీ పరీక్షలో విజయం సాధిస్తారు. వైవాహిక జీవితంలో సంతోషం ఉంటుంది.
సింహ రాశి
ఈ రాశివారికి ఈ రోజు ఒత్తిడితో కూడుకున్న రోజు అవుతుంది. అనవసర చర్చల్లో పాల్గొనవద్దు. అనారోగ్య సమస్యలున్నాయి జాగ్రత్త. ఉద్యోగులు ఉన్నతాధికారులతో మాటలు పడాల్సి రావొచ్చు. వ్యాపారులు నూతన పెట్టుబడులు పెట్టాలనే ఆలోచన ఈ రోజు వాయిదా వేయడం మంచిది. ప్రేమికులకు మంచి రోజు
కన్యా రాశి
ఈ రాశివారికి బాధ్యతలు పెరగడం వల్ల గందరగోళానికి గురవుతారు. అడగకుండా ఎవరికీ సలహాలు ఇవ్వొద్దు. అనవసర వివాదాల్లో చిక్కుకునే అవకాశం ఉంది. పరిస్థితులకు అనుగుణంగా డబ్బు ఖర్చు చేస్తారు. నిరుద్యోగులు మంచి ఉద్యోగం పొందుతారు. వ్యక్తిగత జీవితంలో వివాద సూచనలున్నాయి.
Also Read: తొలి ఏకాదశి ప్రత్యేకత ఏంటి - ఈ రోజు ఉపవాసం ఎందుకు ఉండాలి!
తులా రాశి
ఈ రాశి వ్యాపారులకు మంచి రోజు. కొత్త ఒప్పందాలు కుదుర్చుకుంటారు. ప్రైవేట్ రంగంలో పని చేసే వారికి ప్రమోషన్ లభిస్తుంది. ఆదాయం పెరుగుతుంది. ఈ రోజు మీకు మంచి రోజు. ప్రేమికులు కలిసే అవకాశం ఉంటుంది.
వృశ్చిక రాశి
పూర్వీకుల ఆస్తికి సంబంధించి జరుగుతున్న వివాదాలు ఓ కొలిక్కి వస్తాయి. కోర్టు కేసులు ఓ కొలిక్కి వస్తాయి. మీతో మీరు ఉండేందుకు ఇష్టపడతారు. చదువుపై ఆసక్తి పెరుగుతుంది. ఆర్థిక ప్రయోజనాలు పెరుగుతాయి. ప్రేమికులకు శుభవార్తలు అందుతాయి.
ధనస్సు రాశి
ధనస్సు రాశివారికి కొన్ని సమస్యలు వెంటాడుతాయి. మీరు ఇష్టపడేవారు మిమ్మల్ని నిర్లక్ష్యం చేస్తారు. ప్రయాణాలలో అజాగ్రత్తగా ఉండకండి. ప్రేమికుల మధ్య సమస్యలు తీరిపోతాయి. పాతవివాదాలు పరిష్కారం అవుతాయి.
Also Read: 'కర్కిడకం' పూజ కోసం తెరుచుకున్న శబరిమల ఆలయం - ఈ ఏడాది చివరి వరకూ అయ్యప్ప ఆలయం తెరిచి ఉండే తేదీలివే!
మకర రాశి
మకర రాశి వారికి ఈ రోజు శుభదినం. అనుకున్న పనులు పూర్తికావడంతో సంతోషంగా ఉంటారు. వ్యాపారంలో లాభపడతారు. కుటుంబ వివాదాలు పరిష్కారమవుతాయి. అపరిచిత వ్యక్తుల పట్ల జాగ్రత్తగా ఉండండి. వ్యక్తిగత జీవితంలో చిన్న చిన్న ఇబ్బందులుంటాయి.
కుంభ రాశి
ఈ రాశివారికి ఈ రోజు ఏం చేసినా కలిసొస్తుంది. ఆధ్యాత్మిక విషయాలపై ఆసక్తి పెరుగుతుంది. మీకు నచ్చిన వంటలను ఆస్వాదిస్తారు. విద్యార్థులకు చదువుపై శ్రద్ధ పెరుగుతుంది. ప్రేమజీవితం వైవాహిక జీవితంలో సంతోషం ఉంటుంది.
మీన రాశి
ఈ రోజు మీకు ఆహ్లాదకరమైన రోజు. కుటుంబంలో ఉండే చిన్న చిన్న కలహాలు పరిష్కారమవుతాయి. ఆర్థిక ప్రయోజనాలుంటాయి. ఉద్యోగులు, వ్యాపారులకు కలిసొచ్చే సమయం. అవివాహితులకు వివాహ సూచన. ఆరోగ్యం బావుంటుంది. అనుకోని ప్రయాణం చేయాల్సి రావొచ్చు.
Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.