Samantha: కడపలో సామ్.. ఆమెను చూసేందుకు వచ్చిన అభిమానులతో ట్రాఫిక్ జామ్

సినీ నటి సమంతా కడప నగరంలో సందడి చేసింది. ఆర్టీసీ బస్టాండ్ సమీపంలో ఓ షాపింగ్ మాల్ ప్రారంభోత్సవానికి అతిథిగా హాజరైంది.

సమంతా కడపలో సందడి చేసంది. ఓ షాపింగ్ మాల్ ప్రారంభోత్సవానికి ముఖ్య అతిథిగా హాజరైంది. ఆమె వస్తుందన్న సమాచారం తెలియగానే పెద్దఎత్తున అభిమానులు కడప ఆర్టీసీ బస్టాండ్ కు చేరుకున్నారు. ఎక్కువ మంది రావడంతో కడప బస్టాండ్ సమీపం జనంతో నిండిపోయింది.  
కడప బస్టాండ్ కు వచ్చిన అభిమానులు సమంతతో ఫొటో దిగేందుకు పోటీ పడ్డారు. వారిని అదుపుచేసేందుకు పోలీసులు బందోబస్తు ఏర్పాటు చేశారు. అభిమానుల సందడి చేస్తుండగానే.. షాపింగ్ మాల్ ప్రారంభించింది సామ్.

 కడపకు రావడం చాలా సంతోషంగా ఉందని తెలిపింది సమంత. అత్తారింటికి దారేది సినిమాలోని స్వామీ నదికి వెళ్లలేదా.. అనే డైలాగ్ చెప్పడంతో అభిమానులు కేరింతలు కొట్టారు. సమంతను చూసేందుకు పెద్ద సంఖ్యలో ప్రజలు తరలి వచ్చారు. సుమారు రెండు గంటలకు పైగా.. ఆ ప్రాంతంలో ట్రాఫిక్ దారి మళ్లించారు.

షాపింగ్ మాల్ ప్రారంభోత్సవం తర్వాత.. కడపలోని పెద్ద దర్గాను దర్శించుకుంది సమంత. ఈ సందర్భంగా చాదర్ సమర్పించారు. సమంతతో దర్గా పెద్దలు ప్రత్యేక ప్రార్థనలు చేయించారు.

ప్రస్తుతం.. గుణశేఖర్ దర్శకత్వంలో శాకుంతలంతో పాటు తమిళంలో సమంత నటించిన కాదు వాకుల రెండు కాదల్ విడుదలకి సిద్ధంగా ఉన్నాయి. యశోదా అనే మరో పాన్ ఇండియా సినిమా, ఓ హాలీవుడ్ సినిమా ప్రీ ప్రొడక్షన్ పనులలో ఉన్నట్టు తెలుస్తోంది. ఇక అల్లు అర్జున్ పుష్పలో ఐటెం సాంగ్ తో ఇప్పుడు ట్రెండింగ్ లో ఉంది సమంత.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి