ఈరోజు బిగ్ బాస్ షో నుంచి ఒకరు ఎలిమినేట్ అవుతుండడంతో ఎపిసోడ్ పై ఆసక్తి పెరుగుతోంది. ఇప్పటికే ఈరోజు ఎపిసోడ్ కి సంబంధించి ఓ ప్రోమో విడుదల కాగా.. అందులో హౌస్ మేట్స్ తో ఫన్నీ గేమ్ ఆడించారు నాగార్జున. తాజాగా మరో ప్రోమో విడుదలైంది. అందులో ఎక్స్ హౌస్ మేట్స్ లో కొందరు ప్రెజంట్ హౌస్ మేట్స్ ని కొన్ని ప్రశ్నలు అడిగారు.
ముందుగా జెస్సీ.. 'షన్ను చాలా సీరియస్ గా అడుగుతున్నాను. నీకు సిరికి ఎలాంటి బాండింగ్ ఉందో.. వేరే జనాలు ఏం అనుకుంటున్నారో.. నువ్ ఎప్పుడైనా ఆలోచించావా..?' అని ప్రశ్నించాడు. తరువాత ప్రియాంక.. 'హాయ్ మానస్.. నేను నిన్నొకటి అడగాలని అనుకుంటున్నాను. ఇన్ని హౌస్ లో నువ్ నన్ను భరించావా..? లేక నటించావా..?' అని ప్రశ్నించింది. ఆ ప్రశ్న విన్న మానస్ ఎక్స్ ప్రెషన్స్ మారిపోయాయి.
జెస్సీ.. షణ్ముఖ్ తో పాటు సిరిని కూడా ప్రశ్నించాడు. 'నువ్ బిగ్ బాస్ హౌస్ లోకి గేమ్ ఆడడానికి వెళ్లావ్ కదా సిరి.. ఎమోషనల్ కనెక్ట్ అయిపోతున్నాను.. అది కనెక్ట్ అయిపోతున్నాను.. ఇది కనెక్ట్ అయిపోతున్నాను అని పిచ్చెక్కిపోతున్నావ్. అవసరమా నీకు..?' అని గట్టిగానే నిలదీశాడు.
ఆ తరువాత హౌస్ మేట్స్ ఇతర ఇంటి సభ్యుల ఫొటోలతో ఉన్న బోర్డులను మెడలో వేసుకొని వారిలా మాట్లాడడం మొదలుపెట్టారు. ముందుగా శ్రీరామ్.. కాజల్ ని ఇమిటేట్ చేస్తూ నవ్వించాడు. షణ్ముఖ్ ఫొటో బోర్డు మెడలో వేసుకున్న కాజల్ ని 'షణ్ముఖ్.. కాజల్ పై నీ అభిప్రాయం' అని అడిగారు నాగ్. దానికి ఆమె 'కాజల్ చాలా మంచిది సార్.. కాజల్ ఆలోచనా విధానం, నా ఆలోచనా విధానం ఒకేలా ఉంటాయి' అని తనను తాను పొగుడుకుంది. దానికి నాగార్జున 'అంటే నువ్ బ్రహ్మ, కాజల్ బ్రహ్మియా..?' అని ప్రశ్నించారు. ఆ తరువాత సన్నీ ఫొటో బోర్డు మెడలో వేసుకున్న షణ్ముఖ్ నవ్వించే ప్రయత్నం చేశాడు.