వాయుగుండం ప్రభావం తగ్గడంతో దక్షిణ కోస్తాలో వానలు తగ్గి సాధారణ పరిస్థితులు నెలకొంటున్నాయి. అయితే కొన్ని ప్రాంతాల్లో ఇంకా వర్షం పడుతూనే ఉంది. ఇలాంటి పరిస్థితుల్లో ఆహార పదార్థాలు, తాగునీటి విషయంలో మరిన్ని జాగ్రత్తలు పాటించాలని సూచిస్తున్నారు నిపుణులు. కాచి వడపోసిన సురక్షిత మంచినీటిని మాత్రమే తాగాలని చెబుతున్నారు. ఆహార పదార్థాలను కూడా నిల్వ ఉంచకుండా చూసుకోవాలని, ఎప్పటికప్పుడు వండుకుని వేడివేడిగా తినడం అలవాటు చేసుకోవాలని చెబుతున్నారు. 


Also Read: ఎయిడెడ్ విద్యాసంస్థల విలీనంపై ఒత్తిడి లేదు... గత నిర్ణయాన్ని వెనక్కి తీసుకోవచ్చు... ఏపీ విద్యాశాఖ ఉత్తర్వులు


శ్వాసకోస సమస్యలు


అసలే చలికాలం.. అందులోనూ ఇప్పుడు వర్షాలు వెలిసిన తర్వాత చలిగాలులు మరింత ఎక్కువయ్యాయి. ఈ చలిగాలులతో శ్వాస కోశ సమస్యలు మరింత ఎక్కువ అవుతాయని చెబుతున్నారు వైద్యులు. చలిగాలిలో బయటకు రావొద్దని, ఒకవేళ వచ్చినా చెవులు, ముక్కులోకి చలిగాలి వెళ్లకుండా చూసుకోవాలని సూచిస్తున్నారు. జలుబు, దగ్గు వంటి సమస్యలొస్తే.. కరోనా అనే అనుమానాలు కూడా ఎక్కువ అవుతున్న రోజులివి. అందుకే మరింత జాగ్రత్తగా ఉండాలని చెబుతున్నారు వైద్య నిపుణులు. 


Also Read: నెలాఖరులోగా తేల్చాల్సిందే.. ఏపీ ప్రభుత్వానికి ఉద్యోగ సంఘాల డెడ్ లైన్ !


దోమకాటుతో జాగ్రత్త


జలుబు, దగ్గు మూడు రోజులైనా తగ్గకపోతే వెంటనే వైద్యసహాయం పొందాలని సూచిస్తున్నారు. ఏపీలో ప్రస్తుతం ప్రతి సచివాలయ పరిధిలో ఏఎన్ఎంలు, ఆశా వర్కర్లు అందుబాటులో ఉంటున్నారు. వారి సాయంతో మలేరియా, డెంగీ పరీక్షలు చేయించుకోవాలని వైద్యులు సూచిస్తున్నారు. వాన నీరు నిలబడటంతో దోమల ప్రభావం కూడా పెరిగే అవకాశం ఉందని, దోమకాటుకి గురై డెంగీ లాంటి వ్యాధుల బారిన పడితే తీవ్ర ఇబ్బందులు ఎదుర్కోవాల్సి వస్తుందని సూచిస్తున్నారు. దోమకాటుకి దూరంగా ఉండటం, పరిశుభ్రమైన నీటిని తాగడం, వేడిగా అప్పటికప్పుడు వండుకున్న ఆహార పదార్థాలను తీసుకోవడం ద్వారా వ్యాధుల బారిన పడకుండా జాగ్రత్తగా ఉండొచ్చని సూచిస్తున్నారు నిపుణులు. ముఖ్యంగా వరద ప్రభావానికి లోనైన ప్రాంతాల ప్రజలు ఈ జాగ్రత్తలు పాటించాలని చెబుతున్నారు.


Also Read: ఓసి మీ దుంపతెగ.. కాసేపు ఆగండయ్యా.. చేపలు పట్టుకున్నాక వెళ్లండయ్యా..


Also Read: రేపు తిరుపతిలో సదరన్ జోనల్ కౌన్సిల్ మీటింగ్... ఇవాళ తిరుపతికి అమిత్ షా, జగన్... కేసీఆర్ డుమ్మా...!


Also Read:  యాసంగి వడ్లు కొంటరా ? కొనరా? తెలంగాణ వ్యాప్తంగా బీజేపీకి వ్యతిరేకంగా టీఆర్ఎస్ ధర్నాలు !


ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి