Telangana Inter 2nd Year Vocational Results 2024: తెలంగాణ ఇంటర్‌ సెకండియర్ ఒకేషనల్ రిజల్ట్స్‌ ఇక్కడ చెక్ చేసుకోండి | Telangana Intermediate Results 2024

TS Inter 2nd Year Vocational Results 2024: తెలంగాణలో ఇంటర్మీడియట్‌ వార్షిక పరీక్ష ఫలితాలను ఏప్రిల్ 24న విడుదల చేయనున్నట్లు ఇంటర్ బోర్డు తెలిపింది. ఈ మేరకు ఏప్రిల్ 22న అధికారిక ప్రకటన విడుదల చేసింది. బుధవారం ఉదయం 11 గంటలకు ఇంటర్‌ బోర్డు కార్యాలయంలో విద్యాశాఖ ముఖ్య కార్యదర్శి బుర్రా వెంకటేశం, ఇంటర్‌ బోర్డు కార్యదర్శి శృతి ఓజా ఫలితాలను విడుదల చేయనున్నారు. ఇంటర్‌ ప్రథమ, ద్వితీయ ఫలితాలను ఒకేసారి విడుదల చేయనున్నట్లు ఇంటర్ బోర్డు స్పష్టంచేసింది. ఫిబ్రవరి 28 నుంచి మార్చి 19 వరకు తెలంగాణలో ఇంటర్ బోర్డ్ ఎగ్జామ్స్ నిర్వహించారు. ఈ ఏడాది ఇంటర్ పరీక్షలకు దాదాపు 9,80,978 మంది విద్యార్థులు హాజరు కాగా, అందులో సెకండియర్ ఎగ్జామ్స్ రాసిన వారు 4,43,993 మంది ఉన్నారు. ఇక ఒకేషనల్ కోర్సులకు సంబంధించి ద్వితీయ సంవత్సరం 46,542 మంది విద్యార్థులు ఉన్నారు.