Amazon : గంజాయి కోసం అమెజాన్‌ని కరివేపాకులా వాడారు..!

ఓ వైపు గంజాయి అక్రమ రవాణాపై పెద్ద ఎత్తున చర్చ నడుసూనే ఉంది. మరో వైపు.. స్మగ్లర్లు కొత్త దారుల్లో గంజాయి స్మగ్లింగ్ చేస్తూనే ఉన్నారు. గంజాయి రవాణాలో కొత్తకొత్త దారులను వాడుకుంటున్నారు. కొత్తగా ఆసక్తికర విషయం ఒకటి వెలుగులోకి వచ్చింది. గంజాయి రవాణాకు ప్రముఖ ఈ కామర్స్ సంస్థ అమెజాన్ ను వాడుకున్నట్టు తెలిసింది. మరో విషయం ఏంటంటే.. టన్ను గంజాయిని అలా తరలించారని తేలింది. ఈ విషయం ఎలా బయటకు వచ్చిందంటే.. గంజాయితో పట్టుబడిన ఇద్దరు వ్యక్తులను మధ్యప్రదేశ్ లో పోలీసులు విచారించారు. అప్పుడు ఈ ఆసక్తికర విషయం బయటకు వచ్చింది. ఒకటి రెండు రోజులుగా కాదు.. ఏపీలోని విశాఖ నుంచి నాలుగు నెలలుగా.. ఈ గుట్టు జరుగుతున్నట్టు తెలిసింది. ఈ మాటలు విని పోలీసులు.. ఆశ్చర్యపోయారు.