Kasturi Entry Telangana Politics | జనసేనలో చేరుతున్న నటి కస్తూరీ..? | ABP Desam

  తెలంగాణ రాజకీయాల్లోకి అడుగుపెడుతున్నట్లు నటి కస్తూరి ప్రకటించారు. చెన్నైలోని పోయెస్ గార్డెన్ లోని తన నివాసంలో ప్రెస్ మీట్ పెట్టిన కస్తూరి..తను తెలుగు వాళ్లను అవమానించానంటూ వైరల్ అవుతున్న వీడియోను నమ్మొద్దని రిక్వెస్ట్ చేశారు. డీఎంకే కి సనాతన ధర్మాన్ని అనుసరించే వారంటే గిట్టదన్న కస్తూరి..వాళ్ల అన్యాయాలను బయటపెడుతున్నందుకే తనను టార్గెట్ చేశారనన్నారు. తెలుగు అంటే తనకు ఎంత గౌరవమో చెప్పేటందుకే తెలంగాణ రాజకీయాల్లో అడుగుపెడుతున్నట్లు ప్రకటన చేశారు. తను పవన్ కళ్యాణ్ అభిమానిని అన్న కస్తూరి..ఆయన తలకెత్తున్న సనాతన ధర్మ పరిరక్షణ నినాదాన్ని తెలంగాణ వ్యాప్తంగా తీసుకెళ్తానని ప్రకటించారు. అయితే తను జనసేనలో చేరుతున్నట్లు మాత్రం క్లారిటీ ఇవ్వలేదు కస్తూరి. తెలుగు ప్రజలను అవమానించిన వివాదం మీద మాట్లాడుతూ పవన్ ను లాగటం..తెలంగాణ రాజకీయాల్లోకి వెళ్తాననటం..పవన్ లక్ష్యాలను సాధిస్తానని చెప్పటంతో ఆమె జనసేనలో చేరుతున్నట్లు హింట్స్ ఇచ్చారనేది అర్థం అవుతోంది.తెలంగాణ లో జనసేన ద్వారా రాజకీయాల్లోకి అడుగుపెడుతున్నట్లు అర్థమవుతోంది.