మోటో ట్యాబ్ జీ70 ఎల్టీఈ ట్యాబ్లెట్ ఇటీవలే మనదేశంలో లాంచ్ అయిన సంగతి తెలిసిందే. దీని సేల్ కూడా మనదేశంలో ప్రారంభం అయింది. ఈ ట్యాబ్లెట్‌లో మీడియాటెక్ హీలియో జీ90టీ ప్రాసెసర్‌ను కంపెనీ అందించింది. ఇందులో 11 అంగుళాల 2కే ఎల్సీడీ డిస్‌ప్లే ఉండటం విశేషం.
మోటో ట్యాబ్ జీ70 ఎల్టీఈ ధర
ఈ ట్యాబ్లెట్ ధరను రూ.21,999గా నిర్ణయించారు. 4 జీబీ ర్యామ్, 64 జీబీ స్టోరేజ్‌ను మోటో ట్యాబ్ జీ70 ఎల్టీఈలో అందించారు. మోడర్‌నెయిస్ట్ టియల్ కలర్‌వే రంగులో ఈ ట్యాబ్లెట్‌ను కొనుగోలు చేయవచ్చు. ఫ్లిప్‌కార్ట్‌లో ఈ ట్యాబ్లెట్ అందుబాటులో ఉంది. ఐసీఐసీఐ బ్యాంకు కార్డుల ద్వారా కొనుగోలు చేస్తే ఈ ట్యాబ్లెట్ రూ.21,249కే లభించనుంది.
మోటో ట్యాబ్ జీ70 ఎల్టీఈ స్పెసిఫికేషన్లు
ఆండ్రాయిడ్ 11 ఆపరేటింగ్ సిస్టంపై మోటో ట్యాబ్ జీ70 ఎల్టీఈ పనిచేయనుంది. మీడియాటెక్ హీలియో జీ90టీ ప్రాసెసర్‌పై ఇది పనిచేయనుంది. 4 జీబీ ర్యామ్, 64 జీబీ స్టోరేజ్ ఇందులో అందుబాటులో ఉంది. దీన్ని మైక్రో ఎస్‌డీ కార్డు ద్వారా పెంచుకునే అవకాశం. ఇందులో 11 అంగుళాల ఐపీఎస్ 2కే ఎల్సీడీ డిస్‌ప్లేను మోటొరోలా అందించింది.
ఈ ట్యాబ్లెట్‌లో వెనకవైపు 13 మెగాపిక్సెల్ కెమెరాను, ముందువైపు 8 మెగాపిక్సెల్ సెన్సార్‌ను అందించారు. 4జీ ఎల్టీఈ, వైఫై, బ్లూటూత్ వీ5.1, జీపీఎస్, గ్లోనాస్ వంటి కనెక్టివిటీ ఫీచర్లు కూడా ఇందులో ఉన్నాయి. యాక్సెలరోమీటర్, గైరోస్కోప్, హాల్ ఎఫెక్ట్ సెన్సార్, యాంబియంట్ లైట్ సెన్సార్లు కూడా ఈ ట్యాబ్లెట్‌లో అందించారు.
దీని బ్యాటరీ సామర్థ్యం 7700 ఎంఏహెచ్‌గా ఉండగా, 20W ఫాస్ట్ చార్జింగ్‌ను కూడా ఇది సపోర్ట్ చేయనుంది. ఇందులో నాలుగు స్పీకర్ల సెటప్‌ను అందించారు. ఇందులో ప్రత్యేకమైన గూగుల్ కిడ్స్ స్పేస్ కూడా ఉందని మోటొరోలా తెలిపింది. ఈ ట్యాబ్లెట్ మందం 0.75 సెంటీమీటర్లు కాగా, బరువు 490 గ్రాములుగా ఉంది.
Also Read: Realme 9i: రూ.14 వేలలోపే రియల్‌మీ కొత్త ఫోన్.. సూపర్ అనిపించే ఫీచర్లు.. లేటెస్ట్ ప్రాసెసర్ కూడా!
Also Read: Samsung Offers: గుడ్‌న్యూస్.. ఈ శాంసంగ్ ఫోన్ ధర తగ్గింపు.. ఇప్పుడు రూ.13 వేలలోపే!
Also Read: Cheapest 5G Phone: వేడెక్కుతున్న 5జీ మార్కెట్.. రూ.20 వేలలోపే మరో 5జీ ఫోన్!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!