మోటో ట్యాబ్ జీ70 ఎల్టీఈ ట్యాబ్లెట్ మనదేశంలో లాంచ్ అయింది. మనదేశంలో మోటొరోలా లాంచ్ చేసిన రెండో ట్యాబ్లెట్ ఇదే. గతేడాది సెప్టెంబర్లో లాంచ్ అయిన మోటో ట్యాబ్ జీ20 మొదటి ట్యాబ్లెట్. ఇప్పుడు లాంచ్ అయిన ట్యాబ్లెట్లో మీడియాటెక్ హీలియో జీ90టీ ప్రాసెసర్పై ఈ ఫోన్ పనిచేయనుంది. ఇందులో 11 అంగుళాల 2కే ఎల్సీడీ డిస్ప్లేను అందించారు.
మోటో ట్యాబ్ జీ70 ఎల్టీఈ ధర
దీని ధరను రూ.21,999గా నిర్ణయించారు. 4 జీబీ ర్యామ్, 64 జీబీ స్టోరేజ్ను ఇందులో అందించారు. మోడర్నెయిస్ట్ టియల్ కలర్వే రంగులో దీన్ని కొనుగోలు చేయవచ్చు. ఫ్లిప్కార్ట్లో ఈ ట్యాబ్లెట్ అందుబాటులో ఉండనుంది. జనవరి 22వ తేదీ నుంచి దీని సేల్ జరగనుంది. ఐసీఐసీఐ బ్యాంకు కార్డుల ద్వారా కొనుగోలు చేస్తే రూ.21,249కే లభించనుంది.
మోటో ట్యాబ్ జీ70 ఎల్టీఈ స్పెసిఫికేషన్లు
ఆండ్రాయిడ్ 11 ఆపరేటింగ్ సిస్టంపై ఈ ఫోన్ పనిచేయనుంది. మీడియాటెక్ హీలియో జీ90టీ ప్రాసెసర్ ఇందులో అందుబాటులో ఉంది. 4 జీబీ ర్యామ్, 64 జీబీ స్టోరేజ్ను ఇందులో అందించనున్నారు. దీన్ని మైక్రో ఎస్డీ కార్డు ద్వారా పెంచుకోవచ్చు. ఇందులో 11 అంగుళాల ఐపీఎస్ 2కే ఎల్సీడీ డిస్ప్లేను అందించారు.
ఈ ట్యాబ్లెట్లో వెనకవైపు 13 మెగాపిక్సెల్ కెమెరా ఉంది. ముందువైపు 8 మెగాపిక్సెల్ సెన్సార్ అందుబాటులో ఉంది. 4జీ ఎల్టీఈ, వైఫై, బ్లూటూత్ వీ5.1, జీపీఎస్, గ్లోనాస్ కూడా ఇందులో ఉన్నాయి. యాక్సెలరోమీటర్, గైరోస్కోప్, హాల్ ఎఫెక్ట్ సెన్సార్, యాంబియంట్ లైట్ సెన్సార్లు కూడా ఇందులో అందించారు.
దీని బ్యాటరీ సామర్థ్యం 7700 ఎంఏహెచ్గా ఉంది. 20W ఫాస్ట్ చార్జింగ్ను కూడా ఇది సపోర్ట్ చేయనుంది. ఇందులో క్వాడ్ స్పీకర్ సెటప్ను అందించారు. ఇందులో ప్రత్యేకమైన గూగుల్ కిడ్స్ స్పేస్ కూడా ఉందని కంపెనీ తెలిపింది. దీని మందం 0.75 సెంటీమీటర్లు కాగా, బరువు 490 గ్రాములుగా ఉంది.
Also Read: Realme 9i: రూ.14 వేలలోపే రియల్మీ కొత్త ఫోన్.. సూపర్ అనిపించే ఫీచర్లు.. లేటెస్ట్ ప్రాసెసర్ కూడా!
Also Read: Samsung Offers: గుడ్న్యూస్.. ఈ శాంసంగ్ ఫోన్ ధర తగ్గింపు.. ఇప్పుడు రూ.13 వేలలోపే!
Also Read: Cheapest 5G Phone: వేడెక్కుతున్న 5జీ మార్కెట్.. రూ.20 వేలలోపే మరో 5జీ ఫోన్!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్లో ఇలా చేస్తే చాలు.. కొత్త ఆధార్ ఇంటికి!