Vidura Niti In Telugu: ఈ 4 అంశాల‌కు దూరంగా ఉంటే విజయం సాధిస్తారు!

Vidur Success Tips: జీవితంలో విజయం సాధించాలనేది ప్రతి ఒక్కరి కల. ఇందు కోసం పగలు కష్టపడుతుంటారు. అయితే ఈ 4 విషయాలపై మాత్రమే దృష్టిసారిస్తే చాలా సులువుగా విజయం సాధిస్తార‌ని విదురుడు తెలిపాడు.

Vidura Niti In Telugu: విదురుడు  గొప్ప త‌త్త‌వేత్త‌. విదురుడు నిపుణుడైన రాజకీయవేత్త మాత్రమే కాదు, నైపుణ్యం కలిగిన దౌత్యవేత్త కూడా. ధృత‌రాష్ట్రుడితో తన సంభాషణలో ఆయ‌న‌ చాలా సమర్థనీయమైన విషయాలు చెప్పాడు. విదుర నీతిలో ప్రస్తావించబడిన నాలుగు విషయాల గురించి మనం తెలుసుకుందాం. ఒక వ్యక్తి విజయానికి ఈ నాలుగు అంశాలు చాలా ముఖ్యమైనవి. ఈ విషయాలను జీవితంలో గుర్తుంచుకుంటే సదా విజయాన్ని సాధిస్తాడని విదురుడు అంటాడు. ఆ విషయాలు ఏంటో తెలుసుకుందాం.

1. ఆరోగ్యం                    

మహాత్మా విదురుడి ప్రకారం, ఒక వ్యక్తి తన శరీరాన్ని హింసించి, తన మనస్సును బాధపెట్టి డబ్బు సంపాదిస్తే, అలాంటి డబ్బు గురించి ఆలోచించడం పాపమే. ఈ విధంగా డబ్బు సంపాదించాలనే కోరికను విడనాడడం మంచిది. అటువంటి కార్యకలాపాల ద్వారా సంపాదించిన డబ్బు అతని ఆరోగ్యంపై ప్రభావం చూపుతుంది. శరీరాన్ని చిత్రహింసలకు గురిచేసి సంపాదించే డబ్బు అతని శరీర ఆరోగ్యాన్ని కాపాడుకోవడానికి సరిపోకపోవచ్చు.

2. అలాంటి వారిని నమ్మవద్దు              

ఎప్పటికప్పుడు ఎటు కావాలంటే అటు మారే వ్యక్తులను మీ జీవితంలో ఎప్పుడూ విశ్వసించకూడదు, అలాంటి వారిని మీతో ఉంచుకోకూడదు. అలాంటి వారు ఎవరికీ బంధువులు కాలేరు. అలాంటి వ్యక్తులు తమ స్వలాభం కోసం ఎప్పుడైనా మిమ్మల్ని మోసం చేయవచ్చు. మీ రహస్యాలు తెలుసుకోవడం వల్ల మీ శత్రువులకు వాటి గురించిన సమాచారం ఇవ్వడం ద్వారా మీకు హాని కలిగించవచ్చు.

3. అబద్ధాలతో బంధాలు పెంచుకోవద్దు               

విదుర నీతి ప్రకారం సృజ‌న‌శీలి, తెలివైన వ్యక్తి అబద్ధాలను ఆశ్రయించడం ద్వారా ఎవరితోనూ సంబంధాన్ని పెంచుకోకూడదు. ఎందుకంటే, మీరు అబద్ధం చెప్పి పెంచుకున్న‌ బంధం ఎప్పుడైనా తెగిపోవచ్చు. నిజం తెలిసిన తర్వాత, మీరు ఆ సంబంధం గురించి బాధ‌ప‌డ‌వచ్చు.

4. అలాంటి వ్యక్తికి దూరంగా ఉండండి                      

ఇతరుల విజయాన్ని చూసి సంతోషించని వ్యక్తులకు ఎప్పుడూ దూరంగా ఉండాలని మహాత్మ విదురుడు చెబుతాడు. అలాంటి వ్యక్తులు మిమ్మల్ని ఎప్పుడైనా మోసం చేయవచ్చు. వారు మీ విజయాన్ని చూసి తట్టుకోలేరు, అంతేకాకుండా మీతో ఏదైనా తప్పు చేయగలరు.

విదుర నీతి ప్రకారం, ఈ 4 విష‌యాల్లో అప్ర‌మత్తంగా ఉంటూ.. వాటికి ఎంత దూరంగా ఉంటే, మనం విజయానికి అంత దగ్గరగా ఉంటాం. విజయం సాధించాలనుకునే వ్యక్తులు ఖచ్చితంగా అలాంటి తప్పులకు దూరంగా ఉండాలి.

Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. దీనికి సంబంధించిన శాస్త్రీయ ఆధారాలకు సంబంధించి ‘ఏబీపీ దేశం’ ఎలాంటి భాధ్యత తీసుకోదు. ఈ సమాచారాన్ని పరిగణనలోకి తీసుకునే ముందు పండితులను సంప్రదించి పూర్తి వివరాలు తెలుసుకోగలరు. ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను ధృవీకరించడం లేదని గమనించగలరు.