Ramadan 2022: హిందువులకు కార్తీకమాసం, ముస్లింలకు రంజాన్- ఈ రెండింటి మధ్య సారూప్యతలివే

పిలిచే, కొలిచే దేవుడు వేరైనా అన్ని మతాల సారాంశం ఒక్కటే. అన్నిమతాలు ఒక్కటే అంతా భారతీయులమే అనే ఉద్దేశంతో రాసిన ఈ కథనంలో తప్పులు వెతకడం మానేసి.. ఆంతర్యాన్ని అర్థం చేసుకుంటే అందరికీ మంచి జరుగుతుంది.

ఉపవాసం పాటించడం దాదాపు ప్రతిమతంలోనూ ఉంటుంది. హిందువుల పండుగల్లో దాదాపు 60శాతం పండుగలకు ఉపవాసం కాన్సెప్ట్ ఉంటుంది. పాటించడం-పాటించకపోవడం అనేది పూర్తిగా వారికి సంబంధించిన విషయం. అయితే భారీగా ఉపవాసం ఉండేదెప్పుడంటే మాత్రం కార్తీకమాసమే అని చెప్పాలి. శివకేశవులకు అత్యంత ప్రీతిపాత్రమైన కార్తీకమాసంలో నెల రోజులూ ఉపవాసం పాటించేవారున్నారు. కొందరు సోమవారం, మరికొందరు ఏకాదశికి మాత్రమే ఉపవాసం ఉంటారు. ఇంచుమించు ఇదే పద్ధతిలో ఉంటుంది ముస్లింలు ఆచించే రంజాన్ ఉపవాసం. 

కార్తీకమాసం-రంజాన్ మధ్య సారూప్యతలివే 

• దీపావళి అమావాస్య మర్నాడు మొదలయ్యే పాడ్యమి నుంచి కార్తీకమాసం ప్రారంభం అయితే...నెలవంక కనిపించగానే రంజాన్ ఉపవాసాలు ప్రారంభమవుతాయి


• కార్తీకమాసంలో తెల్లవారుజామున నిద్రలేచి పుణ్యస్నానాలు ఆచరించి ప్రత్యేక పూజలు చేస్తే.. రంజాన్ నెలరోజులూ తెల్లవారుజామునే నమాజ్ చేస్తారు.


• కార్తీకమాసంలో ఉదయం నుంచి సాయంత్రం వరకూ ఉపవాసం ఉండి చీకటిపడగానే నక్షత్ర దర్శనం చేసుకుని భోజనం చేస్తారు. ముస్లింలు కూడా రంజాన్ సందర్భంగా ఉపవాసం ఉండి సాయంత్రానికి విరమిస్తారు.


• శివకేశవులకు అత్యంత ప్రీతిపాత్రమైన మాసం కార్తీకం అయితే.. బైబిల్ ఉద్భవించిన మాసం రంజాన్


• కార్తీకమాసంలో ఒక్కరోజు శివకేశవులను స్మరించినా స్వర్గలోక ప్రాప్తి అని హిందువుల విశ్వాసం... రంజాన్ నెల రోజులూ నరకద్వారాలు మూసివేసి స్వర్గ ద్వారాలు మాత్రమే తెరిచి ఉంటాయని ముస్లింల విశ్వాసం.


• ఉపవాస సమయంలో ఆగ్రహావేశాలకు లోనుకాకుండా శాంతంగా, నిగ్రహంగా ఉంటారు. ఈ సందర్భంగా పేదలకు చేతనైన సాయం చేస్తారు.


• ఉపవాసం చేస్తున్నన్ని రోజులు చెడ్డ వ్యక్తులకు, చెడు శక్తులకు దూరంగా ఉండాలని చెప్పడం ఏమతంలో అయినా అనుసరించే పద్ధతే.


• ఏప్రిల్ 3 వ తేదీ ఆదివారం నుంచి ప్రారంభమైన రంజాన్ వేడుకలు.. 30 రోజుల పాటూ అంటే మే 3 వ తేదీన రంజాన్ తో పండుగ ముగుస్తుంది. 

ఉపవాసం వెనుక తర్కం
ఉపవాసం అంటే దేవుడి కోసం ప్రాపంచికసుఖాలు వదిలివేయటం అని అర్థం. ఉపవాసం అంటే తపస్సు లాంటింది. ఎందుకంటే ఒక వ్యక్తి ఆహారాన్ని, ఇతర కోర్కెలను త్యజించి పూర్తిగా దేవుడిపై దృష్టిసారించడం. అంటే బాహ్య ప్రపంచానికి దూరంగా అంతర్గత ఆధ్యాత్మిక ప్రపంచానికి దగ్గరగా చేరుకోవడం. ఒక్క మాటలో చెప్పాలంటే కార్తీకమాసం అయనా రంజాన్ అయినా ఉపవాసం అంటే దేవుడికోసం కాదు..ప్రతివ్యక్తిలో ఉన్న అజ్ఞానాన్ని తొలగించి జ్ఞానం అనే వెలుగులోకి తరలివెళ్లడం.