Viral Video : అక్కడో పెళ్లి జరుగుతోంది. వధూవరులు దండలు మార్చుకునే కార్యక్రమం మాత్రమే మిగిలి ఉంది. వెంటనే ఓ యువకుడు స్టేజ్ పైకి ఎక్కాడు. వరుడి చేతిలో దండ లాక్కుని అమ్మాయి మెడలో వేశాడు. తర్వాత తిలకం దిద్దేశాడు. ఇది పది సెకన్లలో జరిగిపోయింది. ఏం జరిగిందో అందరూ అర్థం చేసుకునేసరికి జరగాల్సింది జరిగిపోయింది. ఇదేదో సినిమా కథ కాదు. నిజంగానే జరిగింది.
రాజ్యసభ నామినేషన్లు, సౌత్ ఇండియా మిషన్‌లో భాగమేనా? భాజపా స్ట్రాటెజీలు రెడీ!
యూపీలో జరిగిన ఈ సినీ ఫక్కీ పెళ్లి వీడియో వైరల్ అవుతోంది. అయితే ఈ సీన్ కి ముుందు.. తర్వతా స్టోరీ కూడా ఉంది. ఈ పెళ్లి సీన్ కంటే ముందు స్టోరీలో ఆ పెళ్లి కూతురు హీరోయిన్. దూసుకొచ్చి దండేసి పెళ్లి చేసేసుకున్న వ్యక్తి హీరో. వాళ్లిద్దరూ లవర్స్. ఇంట్లో చెప్పారో లేదో తెలియదు. కానీ అమ్మాయికి పెళ్లి ఫిక్సయిపోయింది. ఇద్దరూ ఆలోచించుకున్నారు. లేచిపోదామంటే.. అది పాత పద్దతని ఊరుకున్నారు. అందుకే అమ్మాయి ఐడియా చెప్పింది. పెళ్లి జరుగుతూండగా వచ్చి దండేసి కుంకుమ పెట్టేయమని చెప్పింది. దానికి ఆ లవర్ అంగీకరించాడు. ఆ తర్వాత వారు అనుకున్నట్లుగా సీన్ జరిగింది.
ఎమ్మెల్యేలు వెళ్లిపోయారు, నెక్స్ట్ ఎంపీలేనా? శివసేనలో ఏం జరుగుతోంది?
అయితే ఆ తర్వాత ఏం జరిగిందంటారా? ఈ వీడియోలో అబ్బాయి అమ్మాయికి కుంకుమ పెట్టగానే...ఓ మహిళ లాగి.. చెంపకేసి ఒకటి కొట్టింది కదా.. అది స్టార్టింగ్. ఆ తర్వాత ఎలా కొట్టారో చెప్పడం కష్టం. ఆస్పత్రిలో దెబ్బలతో ఉన్న ఆ వరుడ్ని చూస్తే.. అర్థం చేసుకోవచ్చు. ఓ సినిమాలో బ్రహ్మనందం చెప్పుకున్నట్లుగా బయటకు కనిపించే దెబ్బలే ఇన్ని ఉన్నాయి...ఇక కనిపించనివి ఎన్ని ఉన్నాయో అన్నట్లు కొట్టారు.
పంజాబ్ సీఎం పెళ్లిలో కేజ్రీవాల్- వివాహ భోజనంబు క్రేజీ వంటకంబు!
మరి క్లైమాక్స్ ఏమయింది ? దండ వేసి .. కుంకుమ పెట్టేశాడు కాబట్టి అతనే భర్త అవుతాడా అంటే.. అంతగా కొట్టిన తర్వాత అంగీకరిస్తారా ? మళ్లీ దండలు వేసి అసలైన పెళ్లి చేసి పంపించేశారు.