General Bipin Rawat Demise: 'బిపిన్ రావత్ లేకపోయినా ఆయన డైనమిజం మాలో శాశ్వతం'

సీడీఎస్ బిపిన్ రావత్ మృతిపై త్రివిధ దళాధిపతులు సంతాపం వ్యక్తం చేశారు. ఆయన నాయకత్వం ఎనలేనిదని కొనియాడారు.

తమిళనాడులో జరిగిన హెలికాప్టర్ ప్రమాదంలో సీడీఎస్ బిపిన్ రావత్ మరణించడంపై త్రివిధ దళాధిపతులు సంతాపం ప్రకటించారు. సైన్యాధిపతి ఎమ్ఎమ్ నరవాణే, వాయుసేనాధిపతి ఆర్ చౌదరీ, నౌకాదళాధిపతి ఆర్ హరి కుమార్.. బిపిన్ రావత్‌ దుర్మరణం దేశానికి తీరని లోటుగా అభిప్రాయపడ్డారు.

జనరల్ బిపిన్ రావత్ డైనమిజం, స్ఫూర్తిదాయక నాయకత్వం మా జ్ఞాపకాల్లో శాశ్వతంగా నిలిచిపోతుంది. ఆయన నిరుపమాన సేవలు చిరస్మరణీయం.                                                       - ఎమ్‌ఎమ్‌ నరవాణే, భారత సైన్యాధిపతి

అడ్మిరల్ ఆర్ హరికుమార్ సహా భారత నేవీ మొత్తం సీడీఎస్ బిపిన్ రావత్, శ్రీమతి మధులిక రావత్ సహా హెలికాప్టర్ ప్రమాదంలో ప్రాణాలు కోల్పోయిన వారి కుటుంబాలకు తీవ్ర సంతాపం వ్యక్తం చేస్తోంది.                                                - భారత నౌకాదళం

సీడీఎస్ బిపిన్ రావత్‌ను కోల్పోవడం చాలా దురదృష్టం. హెలికాప్టర్ ప్రమాదంలో ప్రాణాలు కోల్పోయిన బిపిన్ రావత్, మధులిక రావత్ సహా ఇతర సైనికుల కుటంబాలకు భారత వాయుసేన సంతాపం వ్యక్తం చేస్తోంది.                                                - భారత వాయుసేన

ఏం జరిగింది?

తమిళనాడు ఊటీలో సీడీఎస్ బిపిన్ రావత్ హెలికాప్టర్ కుప్పకూలింది. ఈ ప్రమాదంలో సీడీఎస్ బిపిన్ రావత్, ఆయన భార్య మధులిక రావత్ సహా 13 మంది మృతి చెందారు. నీలగిరి జిల్లా కూనూరు ప్రాంతంలో ఈ హెలికాప్టర్ కూలింది. ఈ విషయాన్ని ఐఏఎఫ్ ట్వీట్ చేసింది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి