Delhi Fire Accident: దిల్లీలో ఘోర అగ్ని ప్రమాదం.. నలుగురు సజీవదహనం

దిల్లీలో జరిగిన ఘోర అగ్నిప్రమాదంలో నలుగురు సజీవదహనమయ్యారు.

దిల్లీలో ఘోర అగ్నిప్రమాదం జరిగింది. ఓల్డ్ సీమాపురిలో జరిగిన ఈ ప్రమాదంలో మొత్తం నలుగురు మృతి చెందారు. మూడంతస్తుల భవనం పైఫ్లోర్​లో మంటలు చెలరేగాయి. 

తెల్లవారుజామున 4 గంటల సమయంలో తమకు సమాచారం వచ్చిందని పోలీసు అధికారులు వెల్లడించారు. వెంటనే నాలుగు అగ్నిమాపక వాహనాలు ఘటనస్థలానికి వెళ్లినట్లు అధికారులు తెలిపారు. ఊపిరాడకపోవడం వల్ల నలుగురు మృతి చెందినట్లు తెలుస్తోంది.

మృతులను హౌరీ లాల్, రీనా, అషు, రాధికగా గుర్తించారు.ఘటనపై సమాచారం అందుకొని హుటాహుటిన తరలి వచ్చిన అగ్నిమాపక దళాలు.. మంటలను ఆర్పేశాయి. అనంతరం ఇతర సహాయక చర్యలు చేపట్టాయి.

అయితే ఈ ప్రమాద కారకులపై భారత శిక్షాస్మృతిలోని 436, 304A కింద చర్యలు తీసుకోనున్నట్లు అధికారులు తెలిపారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి