Rakesh Tikait: కేంద్రానికి రాకేశ్ టికాయత్ అల్టిమేటం.. ఆ తేదీ లోపు రద్దు చేయకపోతే..!

కేంద్రం తీసుకువచ్చిన మూడు సాగు చట్టాలను రద్దు చేయాలని బీకేయూ నేత రాకేశ్ టికాయత్ అన్నారు. నవంబక్ 26 వరకు ప్రభుత్వానికి డెడ్‌లైన్ విధించారు.

కేంద్రానికి టికాయత్ అల్టిమేటం

నూతన సాగు చట్టాలపై పోరాటం చేస్తోన్న రైతులు తాజాగా కేంద్రానికి అల్టీమేటం జారీ చేశారు. నవంబర్ 26లోపు ఈ మూడు సాగు చట్టాలను రద్దు చేయకపోతే తమ పోరాటాన్ని మరింత ఉద్ధృతం చేస్తామని హెచ్చరించారు. ఈ మేరకు భారతీయ కిసాన్ యూనియన్ (బీకేయూ) నేత రాకేశ్ టికాయత్ స్పష్టం చేశారు.

Continues below advertisement

ఒక వేళ ఈ డెడ్‌లైన్‌ లోపు మూడు సాగు చట్టాలను ప్రభుత్వం రద్దు చేయకపోతే నవంబర్ 27 నుంచి దిల్లీ సరిహద్దుల వైపు రైతులు కదం తొక్కుతారని టికాయత్ అన్నారు. దిల్లీ పోలీసులు పీకేసిన టెంట్లను మళ్లీ రైతులు ఏర్పాటు చేస్తారని హెచ్చరించారు.

కేంద్ర ప్రభుత్వానికి నవంబర్ 26 వరకు సమయం ఉంది. కానీ నవంబర్ 27 నుంచి మాత్రం గ్రామాల నుంచి రైతులు ట్రాక్టర్లపై దిల్లీ సరిహద్దులకు చేరుకుంటారు. మరింత ఉద్ధృతంగా నిరసన చేపట్టేందుకు దిల్లీ సరిహద్దులో బలమైన టెంట్లను ఏర్పాటు చేస్తారు.                                       - రాకేశ్ టికాయత్, బీకేయూ నేత

గత ఏడాది నవంబర్ నుంచి పంజాబ్, హరియాణా, ఉత్తర్‌ప్రదేశ్ రాష్ట్రాల రైతులు కేంద్రం తీసుకువచ్చిన మూడు సాగు చట్టాలను రద్దు చేయాలని డిమాండ్ చేస్తూ ఉద్యమిస్తున్నారు. ఈ చట్టాల వల్ల వ్యవసాయం, తమ భూములు కార్పొరేట్ల చేతిలోకి వెళ్లిపోతాయని ఆవేదన వ్యక్తం చేస్తున్నారు. అయితే రైతుల భయాలను కేంద్రం తోసిపుచ్చింది. రైతులతో ఇప్పటికే పలు దఫాల చర్చలు సాగినప్పటికీ అవన్నీ విఫలమయ్యాయి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి