Just In
కామసూత్ర పుస్తకాలను కాల్చివేసిన బజ్‌రంగ్ దళ్ నేతలు.. హిందూ దేవతలను అవమానించడమే కారణం
హిందూ దేవతలను అవమానించే తీరులో చిత్రాలు ఉన్నాయనే కారణంతో కామసూత్ర పుస్తకాలను బజ్‌రంగ్ దళ్ నేతలు కాల్చివేశారు. ఈ ఘటన అహ్మదాబాద్‌లో చోటుచేసుకుంది.
హిందూ దేవతలను అవమానించే రీతిలో చిత్రాలు ఉన్నాయనే కారణంతో కామసూత్ర పుస్తకాలను తగలబెట్టిన ఘటన గుజరాత్ రాష్ట్రంలో చోటుచేసుకుంది. అహ్మదాబాద్‌కి చెందిన బజ్‌రంగ్ దళ్ నేతలు ఒక బుక్ స్టోర్ ఎదుట ఈ పుస్తకాలను కాల్చివేశారు. దీనికి సంబంధించిన వీడియోలను సామాజిక మాధ్యమాల్లో పోస్టు చేయడంతో విషయం వెలుగులోకి వచ్చింది. కామసూత్ర పుస్తకంలో ఉన్న ఫొటోలు అసభ్యకర రీతిలో ఉన్నాయని.. అవి హిందూ దేవతల రూపాలతో పోలి ఉన్నాయని బజ్‌రంగ్ దళ్ నేతలు ఆరోపించారు. ఈ కారణంగానే వీటిని తగలబెట్టినట్లు చెప్పారు. ఈ పుస్తకాలను మరోసారి అమ్మితే దుకాణాన్ని కూడా తగలబెట్టేందుకు వెనకాడబోమని షాపు యజమానిని హెచ్చరించారు.
కామసూత్ర పుస్తకంలో అసభ్యకర రీతిలో ఉన్న ఫోజులను (ఫొటోలు) బజ్‌రంగ్ దళ్ నేతలు తమ వీడియోలో చూపించారు. ఇవి హిందూ దేవతలను పోలి ఉన్నాయని ఆరోపించారు. అనంతరం ఈ పుస్తకాలన్నింటినీ దుకాణం బయట కుప్పగా పోసి తగలబెట్టారు. హర్ హర్ మహదేవ్, జై శ్రీరామ్ అనే నినాదాలు చేస్తూ పుస్తకాలను తగలబెట్టినట్లుగా వీడియోలో ఉంది.
Also Read: Breaking News: పొలం తగాదా విషయంలో ఘర్షణ.. కాల్పులు చేసిన మాజీ సైనికుడు.. ఇద్దరు మృతి
Also Read: మేనత్తను లవ్ చేసిన అల్లుడు.. గర్భం దాల్చిందని ఇంట్లో తెలిసింది.. చివరకు వారి ప్రేమ కథ ఏమైంది?