జంతువులు ఒక్కసారి ప్రేమించడం మొదలుపెట్టాయంటే.. జీవితాంతం విశ్వాసంగా ఉంటాయి. యజమాని ఎలాంటివాడైనా సరే.. అవి ఎంతో నమ్మకంగా ఉంటాయి. ఇదిగో ఈ మేక కూడా అలాంటిదే. తనని పోషిస్తున్న యజమానిని ఎంతో నమ్మింది. కానీ, అతడు ఆర్థిక అవసరాల కోసం దాన్ని మరొకరికి అమ్మేశాడు. దీంతో అది యజమానిని హత్తుకుని మనిషిలా ఏడ్చేసింది. ఈ వీడియో ఇప్పుడు సోషల్ మీడియాలో వైరల్‌గా చక్కర్లు కొడుతోంది.
ఈ వీడియోను ట్విట్టర్‌లో @ram_vegan అనే వ్యక్తి పోస్ట్ చేశాడు. ఆ మేక ఏడుస్తుంటే.. చిన్న పిల్లాడు ఏడుస్తున్నట్లే ఉంది. ఈ వీడియోను చూసిన నెటిజనులు భిన్నవిధాలుగా స్పందిస్తున్నారు. ‘‘మాట్లాడలేని జంతువులకు కూడా భావాలు మరియు భావోద్వేగాలు ఉంటాయని ఈ వీడియో చూస్తే తెలుస్తుంది’’ అని ఒకరు కామెంట్ చేశారు. యజమాని నుంచి దూరమైనప్పుడు అవి ఎంతో బాధకు గురవ్వుతాయి. కొన్ని బెంగతో ప్రాణాలు కూడా వదిలేస్తాయి. అది నిజంగానే అలా ఏడ్చిందా? లేదా ఆ వీడియోను ఎడిట్ చేశారా? అనే మరొకరు సందేహాన్ని వ్యక్తం చేశారు. ‘‘మీరు మాంసం తింటే.. అది మీరు చేస్తున్నది కూడా పాపమే’’ అని పేర్కొన్నాడు. మరొకరు మాత్రం ‘‘నీకు గుండే లేదా??’’ అని యజమానిపై ఆగ్రహం వ్యక్తం చేశారు. మీరు కూడా ఈ వీడియో చూసి మీ అభిప్రాయం చెప్పండి.
Also Read: ప్రియురాలి చనుబాలు, పచ్చిమాంసం - ఇవే ఇతడి హెల్త్ సీక్రెట్