Garlic Water Benefits for Health : వెల్లుల్లి ఆరోగ్యానికి ఎన్నో ప్రయోజనాలు అందిస్తుంది. వివిధ వంటలతో కాకుండా.. నేరుగా, సలాడ్స్లలో కూడా దీనిని తీసుకుంటూ ఉంటారు. అయితే దీనిని నేరుగా తీసుకోవడం కాస్త ఇబ్బందిగా ఉంటుంది. అలా అని దీనికి దూరంగా ఉంటే ఎన్నో హెల్త్ బెనిఫిట్స్ని మీరు కోల్పోవాల్సి వస్తుందని చెప్తున్నారు ఆరోగ్య నిపుణులు. దీనితో చేసిన నీటిని తీసుకుంటే హెల్త్కి మంచిదని చెప్తున్నారు. ఇంతకీ వెల్లుల్లి వాటర్ బెనిఫిట్స్ ఏంటి? ఎలాంటి సైడ్ ఎఫెక్ట్స్ ఏమైనా ఉంటాయా వంటి విషయాలు ఇప్పుడు తెలుసుకుందాం.
వెల్లుల్లి దాదాపు అందరి ఇళ్లల్లో ఉంటుంది. ఎన్నో ఆరోగ్య సమస్యలకు దీనిని ఔషదంగా తీసుకుంటూ ఉంటారు. అంతేకాకుండా ఇది వంటలకు మంచి రుచిని అందిస్తుంది. సలాడ్ డ్రెస్సింగ్స్, సాస్, నాన్వెజ్, సూప్స్ వంటివాటిలో వీటిని ఉపయోగిస్తారు. ఇది అనేక అంటువ్యాధులు, వ్యాధుల చికిత్సకు సహజ నివారణగా పనిచేస్తుంది. అయితే దీనిని గార్లిక్ వాటర్గా కూడా మీరు తీసుకుంటే మరిన్ని ప్రయోజనాలు పొందవచ్చట.
ఎలా తయారు చేయాలంటే..
వెల్లుల్లి రెబ్బలను మెత్తగా చేసి.. ఆ పేస్ట్ని నీటిలో కలపాలి. ఇలా చేయడం వల్ల వెల్లుల్లి బయోయాక్టివ్ సమ్మేళనాలను ఆ నీటిలోకి విడుదల చేస్తుంది. వెల్లుల్లి అల్లిసిన్ ఉంటుంది. ఇది సల్ఫర్ కలిగిన సమ్మేళనం. ఇది ఇన్ఫ్లమేటరీ ప్రోటీన్లను కంట్రోల్ చేస్తుంది. అంతేకాకుండా రోగనిరోధక శక్తిని పెంచుతుంది. దీనిని రాత్రుళ్లు తీసుకుంటే నిద్ర నాణ్యత పెరుగుతుంది. అల్లిసిన్ శరీరానికి ప్రశాంతతను ఇస్తుంది. దీనిలో మీరు మిరియాల పొడి వేసుకుని తాగవచ్చు. ఇది వెల్లుల్లి రుచిని బ్యాలెన్స్ చేస్తుంది.
వెల్లుల్లినీటితో కలిగే ప్రయోజనాలు ఇవే..
వెల్లుల్లిలోని అల్లిసిన్ సెల్యులార్ ఆరోగ్యానికి సహాయం చేస్తుంది. యాంటీ ఆక్సిడెంట్ గుణాలు దీర్ఘకాలిక వ్యాధులను నివారిస్తాయి. అంతేకాకుండా గుండె ఆరోగ్యాన్ని మెరుగుపరుస్తాయి. క్యాన్సర్ కారకాలను దూరం చేస్తుంది. కడుపు క్యాన్సర్, కొలొరెక్టల్ వంటి నిర్దిష్ట రకాల క్యాన్సర్లను నివారించడంలో ప్రభావవంతంగా పని చేస్తుంది.
షుగర్ కంట్రోల్ అవుతుంది..
వెల్లుల్లి వాటర్ రక్తంలోని చక్కెర స్థాయిలను కంట్రోల్ చేస్తుంది. ఇన్సులిన్ సెన్సిటివిటీని మెరుగుపరుస్తుంది. అధిక రక్త చక్కెర సమస్యలతో బాధపడేవారు దీనిని తీసుకుంటే మంచి ఫలితముంటుంది. వీటిలోని యాంటీ మైక్రోబయల్ లక్షణాలు వైరస్లను శరీరంలోనికి చేరనీయకుండా అడ్డుకుంటాయి.
జీర్ణ సమస్యలు దూరం
వెల్లుల్లి జీర్ణక్రియను మెరుగుపరుస్తుంది. కడుపు ఉబ్బరం, ఆహారం జీర్ణం కాకపోవడం, మలబద్ధకం వంటి సమస్యలను ఈ డ్రింక్ దూరం చేస్తుంది. ఉబ్బసం, బ్రౌన్కైటిస్ వంటి శ్వాసకోశ సమస్యలను తగ్గిస్తుంది. అంతేకాకుండా దగ్గు, జలుబు నుంచి ఉపశమనం అందిస్తుంది. అంతేకాకుండా కాలేయ సమస్యలను దూరం చేస్తుంది. ఇన్ఫెక్షన్లను నిరోధించి.. శరీరాన్ని వివిధ వ్యాధుల నుంచి కాపాడుతుంది. అయితే దీనిని తీసుకునే ముందు కచ్చితంగా వైద్యుల సలహా తీసుకోవాలి.
Also Read : లంచ్ బాక్స్ స్పెషల్ టేస్టీ దాల్ పులావ్.. చాలా సులభంగా ఇంట్లో చేసేసుకోండిలా
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.