Avoid These Foods For Bones Health : శరీరానికి బలం ఇవ్వడంలో ఎముకలు కీలక పాత్ర పోషిస్తాయి. అయితే వయసు పెరిగే కొద్దీ.. కొన్ని ఆహారపు అలవాట్లు, జీవనశైలి కారణంగా ఎముకల్లో కాల్షియం తగ్గిపోవడం ప్రారంభమవుతుంది. ఈ సమయంలో కాల్షియం మాత్రలు తీసుకుంటే సరిపోతుందని చాలామంది భావిస్తారు. కానీ కొన్ని ఆహారాలు శరీరంలో కాల్షియం శోషణను తగ్గించి ఎముకలను మరింత బలహీనపరుస్తాయి. అందుకే ఎముకల ఆరోగ్యానికి హాని చేసే ఫుడ్స్తో పాటు.. ఏ ఫుడ్స్ తింటే మంచిదో కూడా తెలుసుకోవాలంటున్నారు నిపుణులు.
తినకూడని ఫుడ్స్ లిస్ట్
ఎముకలు ఆరోగ్యంగా ఉండాలంటే.. ఉప్పు ఎక్కువగా ఉండే ఫుడ్స్ జోలికి వెళ్లకూడదు. ఎందుకంటే ఉప్పు ఎక్కువగా తిన్నప్పుడు మూత్రం ద్వారా ఎక్కువ కాల్షియాన్ని బయటకు పోతుంది. దీంతో ఎముకల సాంద్రత క్రమంగా తగ్గే ప్రమాదం ఉంటుంది. చిప్స్, ప్యాకేజ్డ్ స్నాక్స్, ఫాస్ట్ ఫుడ్స్, ఇన్స్టంట్ నూడుల్స్, ప్రాసెస్ చేసిన ఫుడ్స్కి దూరంగా ఉండాలి. వీటిలో సోడియం అధికంగా ఉంటుంది. కాబట్టి వీటిని తరచూ తినడం మంచిది కాదు. అలాగే ప్రాసెస్ చేసిన మాంసంలో సోడియం, ప్రిజర్వేటివ్స్ ఎక్కువగా ఉంటాయి. ఇవి కాల్షియం నష్టాన్ని పెంచుతాయి.
సాఫ్ట్ డ్రింక్స్
డార్క్ సోడాలు, కోల్డ్ డ్రింక్స్లో ఫాస్ఫరిక్ యాసిడ్ ఎక్కువగా ఉంటుంది. ఇది శరీరంలో కాల్షియం సమతుల్యతను దెబ్బతీసే అవకాశం ఉంది. అలాగే ఇవి పోషకాలు లేకుండా కేలరీలను మాత్రమే అందిస్తాయి. కాబట్టి వీటిని తీసుకోకూడదని చెప్తున్నారు నిపుణులు. నీరు, మజ్జిగ, తాజా ఫ్రూట్ జ్యూస్ వంటి వాటిని ఎంచుకోవడం మంచిది.
కాఫీ, టీ
రోజులో ఎక్కువ కాఫీ లేదా టీ తాగడం వల్ల కాల్షియం శోషణ తగ్గుతుంది. ముఖ్యంగా చక్కెర ఎక్కువగా కలిపిన కాఫీ డ్రింక్స్ ఆరోగ్యానికి హానికరంగా చెప్తున్నారు. అందుకే వీటిని పరిమిత మోతాదులో మాత్రమే తీసుకోవాలని నిపుణులు సూచిస్తున్నారు.
స్వీట్స్, షుగర్స్
స్వీట్స్, బేకరీ ఐటమ్స్, కేకులు, పేస్ట్రీలు, షుగర్ డ్రింక్స్ శరీరంలో ఇన్ఫ్లమేషన్ పెంచి ఎముకల ఆరోగ్యాన్ని దెబ్బతీయవచ్చు. షుగర్ ఎక్కువ తీసుకోవడం వల్ల శరీరానికి అవసరమైన ఖనిజాల సమతుల్యత కూడా తగ్గుతుంది.
ఎముకలకు మేలు చేసే ఆహారాలు
పాలు, పెరుగు, పనీర్ వంటి వాటిలో కాల్షియం అధికంగా ఉంటుంది. ఇవి ఎముకలను స్ట్రాంగ్గా ఉంచడంలో సహాయం చేస్తాయి. పాలకూర, గోంగూర, బచ్చలికూర వంటి ఆకుకూరల్లో కాల్షియం, మెగ్నీషియం, విటమిన్ కె ఉంటాయి. ఇవి ఎముకల బలానికి హెల్ప్ చేస్తాయి. నువ్వులు, బాదం, వాల్నట్స్ వంటి నట్స్లో కాల్షియం, హెల్దీ ఫ్యాట్స్, మెగ్నీషియం ఉంటాయి. ఇవి ఎముకల సాంద్రతను మెరుగుపరుస్తాయి.
కాల్షియం మాత్రమే కాదు..
ఇవే కాకుండా సాల్మన్, సార్డిన్ వంటి చేపల్లో విటమిన్ D, కాల్షియం ఉంటాయి. విటమిన్ D లేకపోతే శరీరం కాల్షియంను సరిగా గ్రహించలేదని గుర్తించకోవాలి. కేవలం కాల్షియం మాత్రమే కాదు.. సరైన ప్రోటీన్, విటమిన్ D, రెగ్యులర్ వ్యాయామం కూడా ఎముకల ఆరోగ్యానికి అవసరం. నడక, వెయిట్ బేరింగ్ ఎక్సర్సైజులు, సూర్యరశ్మి కూడా ఎముకలను బలంగా ఉంచడంలో కీలక పాత్ర పోషిస్తాయి.
మరిన్ని హెల్త్ ఆర్టికల్స్ కోసం దీనిని క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.