Sumanth Prabhas's Godari Gattupaina Movie OTT Streaming : మేమ్ ఫేమస్ ఫేం సుమంత్ ప్రభాస్ హీరోగా నటించిన లేటెస్ట్ రూరల్ లవ్ డ్రామా గోదారి గట్టుపైన. ఈ నెల 8న ప్రేక్షకుల ముందుకు వచ్చిన ఈ సినిమా మిక్స్డ్ టాక్ సొంతం చేసుకుంది. 3 వారాల్లోపే ఇప్పుడు ఓటీటీలోకి వచ్చేసింది.
సడన్ స్ట్రీమింగ్
ప్రముఖ ఓటీటీ అమెజాన్ ప్రైమ్ వీడియోలో గోదారి గట్టుపైన సడన్ స్ట్రీమింగ్ అవుతోంది. దాదాపు 100కు పైగా షార్ట్ ఫిల్మ్స్ తీసిన సుభాష్ చంద్ర ఈ సినిమాతో దర్శకుడిగా ఎంట్రీ ఇచ్చారు. నిధి ప్రదీప్ హీరోయిన్ కాగా... రాజీవ్ కనకాల, జగపతి బాబు, లైలా, రీణు, దేవి ప్రసాద్, హర్షవర్దన్, సుదర్శన్, రాజ్ కుమార్ కసిరెడ్డి తదితరులు కీలకపాత్రలు పోషించారు. అభినవ్ రావు మూవీని నిర్మించారు. థియేటర్లలో మిక్స్డ్ టాక్ తెచ్చుకున్న మూవీ ఓటీటీలో ఎలాంటి రెస్పాన్స్ అందుకుంటుందో చూడాల్సి ఉంది.
Also Read : Ram Charan : పెద్దినే కాదు... బాడీగార్డ్ కూడా ఓ అథ్లెట్ - మెగా సెక్యూరిటీ గురించి ఈ విషయాలు తెలుసా?
స్టోరీ ఏంటంటే?
టెన్త్తోనే చదువు ఆపేసిన రాజు (సుమంత్ ప్రభాస్) ఆటో డ్రైవర్గా జీవనం సాగిస్తూ ఫ్యామిలీ, ఫ్రెండ్స్ లోకంగా బతుకుతుంటాడు. తన చెల్లెలితో పాటే ఇంజినీరింగ్ చదువుతున్న మాయ (నిధి ప్రదీప్)ను చూసి తొలిచూపులోనే ప్రేమలో పడతాడు. ఆమె కూడా రాజుని అమితంగా ఇష్టపడుతుంది. తన కూతురు మాయ అంటే శ్యాంబాబు (జగపతి బాబు)కు ప్రాణం. సెక్యూరిటీ గార్డుగా పని చేసే అతనంటే ఆ ఊరిలో అందరూ భయపడతారు.
తన కూతురిని తన కంటే ఉన్నత స్థితిలో ఉన్న వ్యక్తికే ఇచ్చి పెళ్లి చేస్తానని చెబుతుంటాడు. రాజు, మాయల ప్రేమ విషయం తెలుసుకున్న శ్యాంబాబు ఏం చేశాడు? రాజు ఎందుకు జైలుకు వెళ్లాల్సి వచ్చింది? రాజుకు ముద్దు పెట్టిన మాయ ఆ తర్వాత ఎందుకు దూరమైంది? అనేది తెలియాలంటే మూవీ చూడాల్సిందే.
Also Read : Sigma Release Date : సీఎం విజయ్ కుమారుడు డైరెక్షన్ డెబ్యూ - సందీప్ కిషన్ సిగ్మా రిలీజ్ డేట్