Omicron Variant: సౌతాఫ్రికా నుంచి వచ్చిన వ్యక్తికి కొవిడ్ పాజిటివ్.. 'ఒమ్రికాన్' అనుమానంతో హైఅలర్ట్!

దక్షిణాఫ్రికా నుంచి మహారాష్ట్రకు వచ్చిన ఓ వ్యక్తికి కొవిడ్ పాజిటివ్‌గా తేలింది. కొత్త వేరియంట్ ఒమిక్రాన్ అనే భయంతో ఈ శాంపిల్‌ను ల్యాబొరేటరీకి పంపించారు.

సౌతాఫ్రికాకు చెందిన వ్యక్తికి కొవిడ్ పాజిటివ్

కరోనా కొత్త వేరియంట్ ఒమ్రికాన్‌పై ఇప్పటికే భయాందోళనలు నెలకొన్నాయి. ఇప్పటికే భారత్‌ సహా పలు దేశాలు ఒమిక్రాన్‌పై అప్రమత్తంగా ఉన్నాయి. ఈరోజు మహారాష్ట్ర ఠానెలో దక్షిణాఫ్రికా నుంచి వచ్చిన ఓ వ్యక్తికి కరోనా టెస్ట్ చేయగా పాజిటివ్‌గా తేలింది. ఈ మేరకు కల్యాణ్ దోంబివాలీ ముస్పిపల్ కార్పొరేషన్ వెల్లడించింది.

Continues below advertisement

అయితే అతనికి సోకింది ఒమ్రికాన్ వేరియంట్ సోకిందా లేదా సాధరణమైనా కొవిడ్ అన్న విషయంపై స్పష్టత లేదు. దక్షిణాఫ్రికాలోని కేప్ టౌన్ నుంచి నవంబర్ 24న బాధితుడు దోంబివాలీ వచ్చినట్లు అధికారులు తెలిపారు.

దక్షిణాఫ్రికా నుంచి వచ్చిన తర్వాత అతను ఎవరినీ కలవలేదు. ప్రస్తుతం అతను ఆర్ట్ గ్యాలరీ ఐసోలేషన్ సెంటర్‌లో ఉన్నాడు. కేడీఎమ్‌సీ ఆరోగ్య సిబ్బంది హైఅలర్ట్‌లో ఉన్నారు. కొత్త వేరియంట్‌ను సమర్థంగా ఎదుర్కొంటాం.                                            -       డా. ప్రతిభా పాటిల్, ఆరోగ్య అధికారి

బాధితుడి సోదరుడికి నెగెటివ్ వచ్చినట్లు అధికారులు తెలిపారు. ఇతర కుటుంబ సభ్యులకు ఈరోజు కరోనా పరీక్షలు నిర్వహించనున్నారు. ఒమ్రికాన్ వేరియంట్‌ను ఎదుర్కొనేందుకు అధికారులు సర్వ సన్నద్ధంగా ఉన్నారు. సౌతాఫ్రికా నుంచి ముంబయి వచ్చే ప్రయాణికులను క్వారంటైన్‌లో ఉంచాలని నగర మేయర్ పడ్నేకర్ ప్రకటించారు. వారి పరీక్షల శాంపిళ్లను జీనోమ్ సీక్వెన్సింగ్ పంపనున్నట్లు వెల్లడించారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి