Liger: విజయ్ దేవరకొండతో అనన్య పాండే హార్స్ రైడింగ్..

తాజాగా 'లైగర్' సినిమాలో హీరోయిన్ గా నటిస్తోన్న అనన్య పాండే కొన్ని ఫోటోలను తన ఇన్స్టాగ్రామ్ లో పోస్ట్ చేసింది.

టాలీవుడ్ సెన్సేషనల్ హీరో విజయ్ దేవరకొండ, దర్శకుడు పూరి జగన్నాథ్ కాంబినేషన్ లో 'లైగర్' అనే సినిమా తెరకెక్కుతోంది. ఈ సినిమా మొదలై చాలా కాలమవుతోంది. కానీ ఇప్పటివరకు షూటింగ్ పూర్తి కాలేదు. ఏ సినిమానైనా.. చాలా త్వరగా పూర్తి చేసే దర్శకుడు పూరి జగన్నాథ్ ఈ సినిమా కోసం చాలా సమయం తీసుకుంటున్నారు. ఈ సినిమాలో లెజెండ్ మైక్ టైసన్ కీలకపాత్ర పోషిస్తున్న సంగతి తెలిసిందే. 

ఆయనకు సంబంధించిన సన్నివేశాలను చిత్రీకరించడానికి చిత్రబృందం అమెరికాలోని లాస్ వేగాస్ లో వాలిపోయింది. అక్కడ తీసుకున్న పలు ఫొటోలను, వీడియోలను సోషల్ మీడియాలో షేర్ చేస్తోంది. తాజాగా ఈ సినిమాలో హీరోయిన్ గా నటిస్తోన్న అనన్య పాండే కొన్ని ఫోటోలను తన ఇన్స్టాగ్రామ్ లో పోస్ట్ చేసింది. అందులో హార్స్ రైడింగ్ చేస్తూ.. కనిపించింది. తనతో పాటు విజయ్ దేవరకొండ కూడా హార్స్ రైడింగ్ చేస్తూ కనిపించాడు. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి. 

దాదాపు ఈ సినిమా షూటింగ్ చివరి దశకు చేరుకుంది. ఈ సినిమాపై ప్రేక్షకుల్లో భారీ అంచనాలు నెలకొన్నాయి. విజయ్ కూడా ఈ సినిమాతో తన కెరీర్ మలుపు తీసుకుంటుందని నమ్ముతున్నారు. మొన్నామధ్య 'రొమాంటిక్' సినిమా ఈవెంట్ లో 'లైగర్' సినిమాను పొగుడుతూ.. 'ఆగ్ లగా దేంగే' అంటూ పెద్ద పెద్ద డైలాగ్స్ వేశారు. ఇదంతా కూడా సినిమా మీద ఉన్న కాన్ఫిడెన్స్ అనే చెప్పాలి. ఈ సినిమాతో తొలిసారి బాలీవుడ్ లో కూడా ఎంట్రీ ఇవ్వబోతున్నారు విజయ్. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి