మెగా ప్రిన్స్ వరుణ్ తేజ్ నటిస్తున్న లేటెస్ట్ మూవీ ‘గని’. బాక్సింగ్ బ్యాక్ డ్రాప్ లో రూపొందుతోన్న ఈ సినిమా కోసం మెగా అభిమానులు ఆసక్తిగా ఎదురుచూస్తున్నారు. ఈ మూవీని డిసెంబర్ 3న ప్రపంచవ్యాప్తంగా విడుదల చేయనున్నట్టు చిత్ర బృందం ఇటీవలే ప్రకటించింది. దీంతో ప్రమోషన్ మొదలెట్టేశారు. ఈ మధ్యే  'ఫస్ట్ పంచ్' పేరుతో విడుదలైన గ్లింప్స్ కు ప్రేక్షకుల నుంచి మంచి స్పందన లభించింది. మంగళవారం 'గని అంథెమ్' లిరికల్ సాంగ్ ప్రోమోను విడుదల చేసిన చిత్రయూనిట్ ఈ రోజు ఫుల్ సాంగ్ రిలీజ్ చేసింది. 






థమన్ స్వరాలు సమకూర్చిన ఈ పాటకు రామజోగయ్య శాస్త్రి లిరిక్స్ అందించారు. ''దే కాల్ హిమ్ గని.. కనివిని ఎరుగని.. దే కాల్ హిమ్ గని.. లోకం తనకని..'' అంటూ సాగే ఈ సాంగ్ లో వరుణ్ తేజ్ బాక్సింగ్ పోటీలకు సిద్ధమవుతున్నట్టు చూపించారు. ఈ మూవీలో బాక్సర్ గా మెప్పించేందుకు వరుణ్ తేజ్ శిక్షణ తీసుకున్నాడు. ఈ సాంగ్ వకీల్ సాబ్ లో సత్యమేవ జయతే తరహాలో ఉందని కొందరు, విజువల్స్ చూస్తుంటే తమ్ముడులో సాంగ్ లా ఉందని మరికొందరు అంటున్నారు. 


Also Read: ప్రీతమ్‌‌తో సమంత ఫొటో.. విదేశాలకు చెక్కేస్తున్నానంటూ..
కొత్త దర్శకుడు కిరణ్ కొర్రపాటి తెరకెక్కిస్తున్న  'గని' అల్లు అరవింద్ సమర్పణలో  అల్లు బాబీ - సిద్ధు ముద్ద నిర్మాతలుగా వ్యవహరిస్తున్నారు. ఇందులో వరుణ్ సరసన బాలీవుడ్ బ్యూటీ సైఈ మంజ్రేకర్ హీరోయిన్ గా నటిస్తోంది. ఉపేంద్ర, సునీల్ శెట్టి, జగపతిబాబు, నవీన్ చంద్ర  కీలక పాత్రలు పోషిస్తున్నారు. హాలీవుడ్ స్టంట్ మాస్టర్ లార్నెల్ స్టోవల్, దిలీప్ సుబ్బరాయన్ యాక్షన్ సీన్స్ ని బాక్సింగ్ ఎపిసోడ్స్ ని డిజైన్ చేస్తున్నారు. 
Also Read: ఆ తెల్లపిల్ల ఎవరు? నా పెళ్లి ఎక్కడ? నన్ను కూడా పిలవండిరా ప్లీజ్ అంటున్న మంచు మనోజ్
ఇక వరుణ్ తేజ్ ప్రాజెక్ట్స్ విషయానికొస్తే ప్రస్తుతం 'ఎఫ్​ 3' తో బిజీగా ఉన్నాడు. 'ఎఫ్​ 2' సినిమాకు సీక్వెల్‌గా అనిల్ రావిపూడి తెరకెక్కిస్తున్న ఈ చిత్రం హైదరాబాద్‌లోనే షూటింగ్ జరుపుకుంటోంది. వెంకటేష్​, వరుణ్ తేజ్, తమన్నా, మెహ్రీన్ పిర్జాదా, రాజేంద్ర ప్రసాద్ ప్రధాన పాత్రలు పోషిస్తున్నారు. ఈ నవ్వుల బండి సంక్రాంతికి వస్తుందని ఇప్పటికే ప్రకటించారు.   




Also Read: మెగా సినిమా షూటింగ్ కు ముహూర్తం పెట్టేశారు
Also Read: కెప్టెన్సీ పోటీదారుల టాస్క్ కోసం హౌస్ మేట్స్ పాట్లు.. పేడలో దిగి మరీ..
Also Read: సర్కారు వారి పాట... ఇంతే ఒక వెయ్యి... లీకయ్యిందిగా!
 ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి