మహాసముద్రం:
ఆర్ఎక్స్ 100' తోనే తన సత్తా నిరూపించుకున్న దర్శకుడు అజయ్ భూపతి తెరకెక్కిస్తోన్న నూతన చిత్రం 'మహాసముద్రం'. శర్వానంద్, సిద్ధార్థ్ లు హీరోలుగా నటిస్తుండగా.. అదితిరావ్ హైదరీ- అను ఇమ్మాన్యుయేల్ హీరోయిన్లుగా కనిపించనున్నారు. డిఫరెంట్ కాన్సెప్ట్ తో తెరకెక్కిన ఈ సినిమాను అక్టోబర్ 14న థియేటర్లలో విడుదల చేయనున్నారు. ఇప్పటికే విడుదలైన ఈ సినిమా పోస్టర్లు, ట్రైలర్ ప్రేక్షకులను ఆకట్టుకున్నాయి. దీంతో సినిమాపై మంచి అంచనాలు ఏర్పడ్డాయి. ఎ.కె.ఎంటర్‌టైన్మెంట్స్‌ బ్యానర్‌పై రామబ్రహ్మం సుంకర ఈ చిత్రాన్ని నిర్మిస్తున్నారు. జగపతిబాబు, రావు రమేష్ లాంటి సీనియర్ నటులు ఈ సినిమాలో కీలక పాత్రల్ని పోషిస్తున్నారు. చైతన్ భరద్వాజ్ ఈ సినిమాకు సంగీతం అందిస్తున్నారు.
మోస్ట్ ఎలిజిబుల్ బ్యాచిలర్:
చాలా కాలంగా హిట్లు రాక ఇబ్బంది పడుతున్న అఖిల్ ఎన్నో ఆశలు పెట్టుకొని నటించిన చిత్రం 'మోస్ట్ ఎలిజిబుల్ బ్యాచిలర్'. బొమ్మరిల్లు భాస్కర్ డైరెక్ట్ చేసిన ఈ సినిమాలో పూజా హెగ్డే హీరోయిన్ గా నటిస్తోంది. నిజానికి ఈ సినిమా ఎప్పుడో విడుదల కావాల్సింది కానీ కరోనా కారణంగా వాయిదా పడుతూ వచ్చింది. ఎట్టకేలకు ఈ నెల 15న విడుదల చేయడానికి సన్నాహాలు చేస్తున్నారు. ఇటీవలే ఈ సినిమా ప్రీరిలీజ్ ఈవెంట్ ను గ్రాండ్ గా నిర్వహించారు. దానికి నాగచైతన్య గెస్ట్ గా కూడా వచ్చారు. అల్లు అరవింద్ సమర్పిస్తోన్న ఈ సినిమాను బన్నీ వాసు నిర్మించారు. యూత్ ఫుల్ ఎంటర్టైనర్ గా తెరకెక్కిన ఈ సినిమాకి ఎలాంటి రెస్పాన్స్ వస్తుందో చూడాలి!
పెళ్లి సందD:
ప్రముఖ నటుడు శ్రీకాంత్ తనయుడు రోషన్ హీరోగా దర్శకేంద్రుడు కె.రాఘవేంద్రరావు పర్యవేక్షణలో రూపొందుతున్న చిత్రం 'పెళ్లి సందD'. ఈ సినిమాతో గౌరీ రోనంకీ దర్శకురాలిగా ఇండస్ట్రీకి పరిచయం కానున్నారు. శ్రీలీల హీరోయిన్గా నటిస్తోంది. రొమాంటిక్ లవ్ అండ్ ఫ్యామిలీ ఎంటర్టైనర్గా తెరకెక్కుతున్న ఈ 'పెళ్లి సందD' సినిమా నుంచి ఇప్పటివరకు విడుదలైన పోస్టర్స్, ట్రైలర్ లకు మంచి రెస్పాన్స్ వచ్చింది. ఈ సినిమాతో దర్శకేంద్రుడు వెండితెర అరంగేట్రం చేస్తున్నారు. ఈ సినిమాను దసరా కానుగా అక్టోబర్ 15న ఈ సినిమా ప్రేక్షకుల ముందుకు రాబోతుంది. ఈ సినిమా ప్రమోషన్స్ లో చిరంజీవి, వెంకటేష్ లాంటి స్టార్లు పాల్గొన్నారు.
ఓటీటీ రిలీజ్ లు..
ఉదన్ పిరప్పే:
ప్రముఖ నటి జ్యోతిక, సముద్రఖని, శశి కుమార్ ప్రధాన పాత్రల్లో తెరకెక్కిన చిత్రం 'ఉదన్ పిరప్పే'. ఇటీవలే ఈ సినిమా ట్రైలర్ ను విడుదల చేశారు. అక్కా, తమ్ముల బాండింగ్ నేపథ్యంలో సాగే సినిమా ఇది. తమిళ నేటివిటీకు తగ్గట్లుగా రూపొందించిన ఈ సినిమాను అక్టోబర్ 14న అమెజాన్ ప్రైమ్ లో విడుదల చేయబోతున్నారు.
Also Read: మా సభ్యత్వానికి ప్రకాష్ రాజ్ రాజీనామా.. తెలుగోడిగా పుట్టకపోవడం నా తప్పు కాదు!
Also Read: ‘మా’లో మంచు తుఫాన్.. ప్రకాష్ రాజ్ ఆ మాట అనకపోయి ఉంటే..
Also Read: విష్ణు విజయంపై మంచు లక్ష్మి, మనోజ్ ఏమన్నారంటే..
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి