Prem Kumar: వరుడు చింత పిక్కల ‘ప్రేమ్ కుమార్’.. సునందగారి సింగిల్ పుత్రుడు, వధువు లేచిపోయిందట!

సంతోష్ శోభన్ హీరోగా తెరకెక్కుతున్న ‘ప్రేమ్ కుమార్’ సినిమాకు సంబంధించిన ఓ ప్రోమో వీడియోను చిత్ర యూనిట్ బుధవారం విడుదల చేసింది.

బాలనటుడిగా టాలీవుడ్‌లో అడుగుపెట్టి.. హీరోగా విభిన్న చిత్రాలతో ఆకట్టుకుంటున్న సంతోష్ శోభన్ మరో చిత్రంతో వచ్చేస్తున్నాడు. ఇటీవల విడుదలైన ‘ఏక్ మినీ కథా’ సినిమాలో అడల్ట్ కామెడీతో ఆకట్టుకున్న సంగతి తెలిసిందే. ప్రస్తుతం సంతోష్ చేతి నిండా ఆఫర్లతో బిజీగా ఉన్నాడు. తాజా అతడు నటించిన ‘ప్రేమ్ కుమార్’ సినిమా విడుదలకు సిద్ధమైంది. ఇందులో సంతోష్ ఫన్నీ క్యారెక్టర్‌లో మళ్లీ మెప్పించేందుకు సిద్ధమైపోతున్నాడు. 

చిత్రయూనిట్ బుధవారం ‘ప్రేమ్ కుమార్’ సినిమాకు సంబంధించిన ఓ వీడియోను విడుల చేసింది. ‘‘సునందగారి సింగిల్ పుత్రుడు.. సుందరల లింగానికి సోలో స్నేహితుడు.. రోషన్‌గాడికి రంకు మొగుడు.. వరుడు చిరంజీవి చింత పిక్కల ప్రేమ్ కుమార్’’ అంటూ సంతోష్ శోభన్‌ను పరిచయం చేయడం వెరైటీగా ఉంది. చివరికి వధువును కూడా పరిచయం చేస్తారు. చివర్లో కమెడియన్ సుదర్శన్ ‘‘పెళ్లి కూతురు లేచిపోయింది’’ అంటూ ట్విస్ట్ ఇస్తాడు. ఓవరాల్‌గా ఈ వీడియో సినిమాపై అంచనాలను పెంచేసింది. కామెడీ, ఎంటర్‌టైన్మెంట్‌ను ఇష్టపడేవారికి తప్పకుండా నచ్చుతుందని అనిపిస్తోంది. 

సంతోష్ సరసన రాశీ సింగ్ కథానాయికగా కనిపించనుంది. కృష్ణ చైతన్య, రుచిత సాదినేని, కృష్ణ తేజ, ప్రభావతి, హర్ష చెముడు, రాజ్ మాదిరాజు, అశోక్ కుమార్, మధు, అభిషేక్ మహర్షి, శ్రీ విద్య, సాయి శ్వేత, ఆకుల శివ ఇతర పాత్రల్లో కనిపించనున్నారు. శారంగా ఎంటర్‌టైన్‌మెంట్స్ పతాకంపై శివప్రసాద్ పన్నీరు నిర్మిస్తున్న ఈ చిత్రానికి అభిషేక్ మహర్షి దర్శకత్వం వహిస్తున్నారు. అనంత్ శ్రీకర్ సంగీతం అందిస్తున్నాడు. 

వీడియో:

సంతోష్ త్వరలో ‘ఆహా’ ఓటీటీలో ప్రసారం కానున్న ‘ద బేకర్ అండ్ బ్యూటీ’ వెబ్‌సీరిస్ ద్వారా విష్ణు ప్రేక్షకుల ముందుకు రానున్నాడు. ఇజ్రాయెల్‌లో ప్రేక్షకాధరణ పొందిన ‘ది బేకర్ అండ్ ది బ్యూటీ’ వెబ్ సీరిస్‌నే తెలుగులో అన్నపూర్ణ స్టూడియోస్ పతాకంపై సుప్రియా యార్లగడ్డ రీమేక్ చేస్తున్నారు. ఇందులో సంతోష్ శోభన్‌తోపాటు టీనా శిల్పారాజ్, విష్ణు ప్రియా, వెంకట్, ఝాన్సీ, శ్రీకాంత్ అయ్యంగార్, స్వేతా, సంగీత్ శోభన్ తదితరులు నటిస్తున్నారు.