సమంత మాటల్లో ఈ మధ్య ఫిలాసఫీ వినబడుతోంది. సోషల్ మీడియాలో ఆమె చేసే పోస్టుల్లో కనబడుతోంది. గతంలో కూడా సమంత ఫిలాసఫీ మాట్లాడి ఉండవచ్చు. కానీ, అప్పుడు ఎవరూ పెద్దగా పట్టించుకోలేదు. అక్కినేని నాగ చైతన్య విడాకుల తర్వాత సమంత ఏం చేసినా... ఏం మాట్లాడినా... ప్రేక్షక లోకం అంతా నిశితంగా గమనిస్తూ, అందులో లోతైన అర్థం ఏదైనా ఉందేమోనని వెతుకుతోంది. అప్పటికీ, ఇప్పటికీ సమంత వ్యక్తిగత జీవితంలో వచ్చిన మార్పు ఆమెను చాలా ప్రత్యేకంగా చూసేలా చేస్తోంది. విడాకులకు ముందు 'మామ్ సెడ్' (అమ్మ చెప్పింది) అంటూ సమంత చాలా సూక్తులు పోస్ట్ చేశారు. లేటెస్టుగా ఇన్స్టాగ్రామ్ స్టోరీలో ఓ పోస్ట్ చేశారు. అందులో గతం గురించి కామెంట్ చేశారు.
"I've never met a strong person with an easy past" - ఇదీ ఇన్స్టాగ్రామ్ స్టోరీలో సమంత పోస్ట్ చేసిన కోట్. "సులభమైన గతం ఉన్న బలమైన వ్యక్తిని నేను ఎప్పుడూ కలవలేదు" అని ఆమె చెప్పారు. గతం చాలా సులభంగా ఉంటే... ఆ వ్యక్తులు శక్తివంతంగా, బలంగా మారలేరని దాని మీనింగ్. గత ఏడాది సమంత జీవితంలో ఏం జరిగిందీ? గత ఏడాది ఆమె గతం ఏమిటన్నదీ? ప్రేక్షకులు అందరికీ తెలుసు. ఆ గతం ఎంతో కఠినంగా ఉంది కాబట్టే తాను శక్తిమంతంగా మారుతున్నట్టు సమంత చెప్పాలని అనుకుంటున్నారా? అవునని కొందరు నెటిజన్స్ అంటున్నారు. అదీ సంగతి!