పుష్పలో అల్లు అర్జున్ నేషనల్ వైడ్ ఎంత సెన్సేషన్ క్రియేట్ చేశాడో చెబుతూ ర్యాప్ సాంగ్ పాడుతున్న ఈ కుర్రాడి పేరు కేడెన్ శర్మ. కొద్దిరోజుల క్రితం M టీవీ లో హజల్ 3 అనే ర్యాప్ సాంగ్స్ రియాల్టీ షోలో కంటెండర్ షిప్ కోసం కేడెన్ శర్మ పాడిన స్ట్రీట్ సెలబ్రెటీ పాట ఇప్పుడు ఇంటర్నెట్ ను షేక్ చేస్తోంది.
పాడిన వెంటనే వైరల్
రెండు మూడురోజుల్లోనే వైరల్ గా మారిన కేడెన్ శర్మ ఊహించని రీతిలో పాపులారిటీని సంపాదిస్తున్నాడు. ఇంతలా అతను సక్సెస్ కావటానికి కారణం ఓల్డ్ సిటీ స్లాంగ్ తో హైదరాబాద్ గురించి పాడిన ర్యాప్ సాంగ్. తనే లిరిక్ రైటర్ గా పాటను రాసుకుని కేడెన్ శర్మ పాడిన ఈ సాంగ్ అంతా హైదరాబాద్ గొప్పతనం గురించి ఉంటుంది.హైదరాబాద్ కల్చర్, సిగ్నిఫికెన్స్, సినిమాలు, ఫుడ్ దేశవ్యాప్తంగా ఎలా స్టాండ్ అవుట్ అవుతున్నాయో చాలా కాన్ఫిడెంట్ గా ర్యాప్ చేసి వినిపించాడు కేడెన్.
పుష్ప గురించి కూడా...
పుష్ప సినిమాతో అల్లు అర్జున్ ఎంత ఫేమస్, ఎక్కడా వల్గారిటీ లేకుండా సాయిపల్లవి ఎలా సినిమాలు చేస్తోంది..బాలీవుడ్ సినిమాల నిర్మాణానికి అడ్డాగా నిలుస్తున్న రామోజీ ఫిలింసిటీ, RRR నాటు నాటు పాట, హైదరాబాదీ బిర్యానీ, ఇరానీ ఛాయ్, ఛార్మినార్ లో చిన్న చిన్న వస్తువులు అమ్మే దుకాణాలు, అక్కడ ప్రజలు ఆడే బేరాలు ఇలా ఒకటేంటీ ఒక్క పాటలో హైదరాబాద్ ను కళ్ల ముందు కట్టాడు కేడెన్ శర్మ.
కేడెన్ శర్మ చూపించిన టాలెంట్ కు ఇంప్రెస్ అయిన జడ్జ్ బాద్షా సహా మిగిలిన టీమ్ లీడర్స్ కేడెన్ శర్మను కంటెండర్ సెలెక్ట్ చేస్తున్నట్లు యునానిమస్ గా ప్రకటించారు. ధూల్ పేట్ కు చెందిన కేడెన్ శర్మ 2019 లో తన పేరు మీద ఓ యూట్యూబ్ ఛానల్ ను స్టార్ట్ చేశాడు. తనే రాసుకుని పాడిన ర్యాప్ సాంగ్స్ ను అప్లోడ్ చేయటం మొదలుపెట్టాడు. 23ఏళ్ల వయస్సులో ఇప్పుడు MTV రియాల్టీ షో లో పాడిన పాట ద్వారా కేడెన్ శర్మ కష్టానికి బ్రేక్ వచ్చింది.
Read Also: డైనమిక్ ఐల్యాండ్‌తో లాంచ్ అయిన ఐఫోన్ 15 సిరీస్ - ధర ఎంత పెట్టారు?
Read Also: అత్యధిక బ్యాటరీ బ్యాకప్ ఇచ్చే యాపిల్ వాచ్ ఇదే - యాపిల్ వాచ్ అల్ట్రా 2 వచ్చేసింది!
Read Also: వేళ్లు కదిపితే ఫోన్ ఎత్తేయచ్చు - మైండ్ బ్లోయింగ్‌ టెక్నాలజీతో యాపిల్ వాచ్ సిరీస్ 9 - ధర ఎంత?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial