'ఆర్ఆర్ఆర్ : రౌద్రం రణం రుధిరం'లో హీరోలు ఎన్టీఆర్, రామ్ చరణ్ పాత్రలను దర్శకుడు రాజమౌళి గతంలో పరిచయం చేశారు. మిగతా పాత్రధారులను పరిచయం చేస్తూ... పోస్టర్లు, స్టిల్స్ విడుదల చేశారు. దాంతో గ్లింప్స్ విడుదల చేస్తామని ప్రకటించిన తర్వాత ఈసారి రాజమౌళి ఏం చూపిస్తారోననే ఆసక్తి మొదలైంది. గత టీజర్లు దృష్ట్యా అంచనాలు పెరిగాయి. ఆ అంచనాలు మించేలా, సినిమాపై మరింత అంచనాలు ఏర్పడేలా గ్లింప్స్ రిలీజ్ చేశారు. అందులో కథేంటో చెప్పలేదు. కానీ, కథ ఎంత గ్రాండియ‌ర్‌గా తెరకెక్కించామనేది చూపించారు. భావోద్వేగాలు ఏ స్థాయిలో ఉంటాయనేది పరిచయం చేశారు. సామాన్య ప్రేక్షకులతో పాటు సెలబ్రిటీలనూ ఈ గ్లింప్స్ ఆకట్టుకుంటోంది.
"ఉద్వేగభరిరంగా ఉంది" అని మెగాస్టార్ చిరంజీవి ట్వీట్ చేశారు.
"జస్ట్ వావ్... స్టన్నింగ్ గా ఉంది. అద్భుతమైన విజువల్స్ చూసి మతిపోయింది. సినిమా ఎప్పుడు చూద్దామా? అని ఆసక్తిగా ఎదురుచూస్తున్నా" అని సూపర్ స్టార్ మహేష్ బాబు ట్వీట్ చేశారు.
"రిపీట్ మోడ్... మళ్లీ మళ్లీ చూస్తున్నాను" అని నితిన్ అన్నారు.
గ్లింప్స్ చూస్తే గూస్ బంప్స్ వచ్చాయని హీరోయిన్ రకుల్ ప్రీత్ సింగ్ చెప్పారు. టీజర్ ఇలా ఉంటే సినిమా ఎలా ఉంటుందో ఊహించలేమని, త్వరగా సినిమా చూడాలని అనుకుంటున్నట్టు ఆమె తెలిపారు.
దేశమంతటా గ్లింప్స్ సెగలు రేపిందని అఖిల్ అక్కినేని ట్వీట్ చేశారు. ఇది చూశాక సినిమాపై అంచనాలు తప్పకుండా పెరుగుతాయని ఆయన అన్నారు. గ్లింప్స్ చూశాక రాజమౌళిపై గౌరవం పెరిగిందని హీరోయిన్ నివేదా థామస్ తెలిపారు.
Also Read: 'ఆర్ఆర్ఆర్' గ్లింప్స్‌లో ఇవి గ‌మ‌నించారా!?
Also Read: ఆర్ఆర్ఆర్... బ్రదర్ & బావా... 45 సెకన్లలో ఎలా?
Also Read: కాజల్ మేడమ్... ఇద్దరూ కలిసి తాగుతున్నారా!? తాగి తాగి సచ్చిపోండి!
Also Read: 'పాండవులు కోరుకుంది కౌరవుల చావు కాదు.. ఓటమి' రాజా విక్రమార్క ట్రైలర్..
Also Read: రీషూట్ మోడ్ లో పవన్ కళ్యాణ్ 'భీమ్లా నాయక్'