'ఆర్ఆర్ఆర్'లో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్... ఇద్దరు ఉన్నారు. అందులో ఒకరు (రామ్ చరణ్) అల్లు అర్జున్‌కు వరుసకు బావ అవుతారు. ఇంకొకరు (ఎన్టీఆర్) క్లోజ్ ఫ్రెండ్. అయితే... ఎన్టీఆర్‌ను బావా అని, రామ్ చ‌ర‌ణ్‌ను బ్రదర్ అని అల్లు అర్జున్ సంభోదించారు. ఈ రోజు 'ఆర్ఆర్ఆర్' గ్లింప్స్ విడుదలైంది కదా! ప్రేక్షకులతో పాటు హీరోలకూ, సెలబ్రిటీలకు ఆ 45 సెకన్ల గ్లింప్స్ విపరీతంగా నచ్చింది. అల్లు అర్జున్, నానితో పాటు పలువురు ప్రశంసించారు.
"మైండ్ బ్లోయింగ్ గ్లింప్స్. భారతీయ సినిమాకు రాజమౌళిగారు గర్వకారణం. నా బ్రదర్ రామ్ చరణ్, బావా ఎన్టీఆర్... పవర్ ప్యాక్ షో చేశారు. అజయ్ దేవగన్ గారికి, ఆలియా భట్ కు, మిగతా చిత్రబృందం అందరికీ కంగ్రాచ్యులేషన్స్" అని అల్లు అర్జున్ ట్వీట్ చేశారు. ఆయనకు 'ఆర్ఆర్ఆర్' బృందం థాంక్స్ చెప్పింది. డిసెంబర్ లో 'పుష్ప' మేజిక్ కోసం ఎదురు చూస్తున్నామని పేర్కొంది. డిసెంబర్ 17న 'పుష్ప' ప్రేక్షకుల ముందుకు వస్తోంది. ఆ తర్వాత జనవరి 7న 'ఆర్ఆర్ఆర్' విడుదల కానుంది.
'ఆర్ఆర్ఆర్' గ్లింప్స్ చూస్తే పిచ్చెక్కిపోతుంద‌ని అర్జున్‌రెడ్డి ద‌ర్శ‌కుడు సందీప్‌రెడ్డి వంగా ట్వీట్ చేశారు.
"రాజమౌళిగారూ... 45 సెకన్లలో ఎలా చేశారు?" అని హీరో నాని ఆశ్చర్యం వ్యక్తం చేశారు. రాజమౌళికి నమస్కరించారు. అతడికి 'ఆర్ఆర్ఆర్' బృందం థాంక్స్ చెప్పింది.
Also Read: 'ఆర్ఆర్ఆర్' గ్లింప్స్‌లో ఇవి గ‌మ‌నించారా!?
Also Read: నరాలు తెగే ఉత్కంఠ.. చూపు తిప్పుకోలేని విజువల్ వండర్
Also Read: ఆ పద్దెనిమిది వందల మందిని నేను చదివిస్తా.. పునీత్ కి మాటిచ్చిన విశాల్