Ram Charan Emotional Tweet on Pawan Kalyan Over His Victory: బాబాయ్‌ గెలుపుపై గ్లోబల్‌ స్టార్‌ రామ్ చరణ్ స్పందించారు. నేడు విడుదలైన ఏపీ ఎన్నికల ఫలితాల్లో పవన్ కళ్యాణ్ ఘన విజయం సాధించిన సంగతి తెలిసిందే. పిఠాపురం నియోజకవర్గం నుంచి పోటీలో దిగిన ఆయన వైసీపీ అభ్యర్థి వంగా గీతాపై 69 వేల్ల ఓట్ల మెజారిటీతో గెలుపుపొందారు. పవన్ గెలుపుతో మెగా ఫ్యామిలీ అంతా ప్రౌడ్‌ మూమెంట్‌లో ఉంది. పవన్ గెలుపుపై ఆయన అన్నయ్య,మెగాస్టార్ చిరంజీవి గర్వంగా ఉందంటూ ఎమోషనల్‌ అయ్యారు.
ఇక సుప్రీం హీరో సాయి ధరమ్‌ తేజ్‌ అయితే మీ గెలుపే మా పోగరంటూ స్టేట్‌మెంట్‌ ఇచ్చాడు. ఇక తాజాగా ఈ రామ్ చరణ్ స్పందిస్తూ బాబాయ్‌ గెలుపుపై ఆనందం వ్యక్తం చేశాడు. ఆయన ట్వీట్ చేస్తూ.. "మా కుటుంబానికి గర్వకారణమైన రోజు! మీ అద్భుతమైన విజయానికి నా అభినందనలు మై పవన్ కళ్యాణ్ గారూ!" అంటూ ట్వీట్ చేశాడు ఈ మెగా పవర్ స్టార్‌. ప్రస్తుతం చరణ్ ట్వీట్ మెగా ఫ్యాన్స్‌ని బాగా ఆకట్టుకుంటుంది.
మరోవైపు సినీ సెలబ్రిటీలంతా వరుసగా పవన్‌కు విషెస్‌ తెలుపుతూ ట్వీట్స్‌ చేస్తున్నారు. ఇక మెగాస్టార్ చిరంజీవి ట్వీట్ చేస్తూ అన్నగా గర్వపడుతున్నాంటూ ఎమోషనల్‌ అయ్యారు.
"డియర్ కళ్యాణ్ బాబు... ఎక్కడ నెగ్గాలో, ఎక్కడ తగ్గాలో తెలిసిన నిన్ను తగ్గావని ఎవరు అనుకున్నా అది ప్రజలను నెగ్గించటానికే అని నిరూపించిన నిన్ను చూస్తుంటే ఒక అన్నగా గర్వంగా ఉంది'' అని చిరంజీవి ట్వీట్ చేశారు" అంటూ తమ్ముడి విజయంపై ఆనందం వ్యక్తం చేశారు.
ఇక సాయి ధరమ్‌ తేజ్‌ అయితే పవన్ కళ్యాణ్ గట్టిగ హత్తుకున్న వీడియో షేర్‌ చేసి "మీ గెలుపే మా పోగరు.. మా జనసేనాని" అంటూ ఎమోషనల్‌ అయ్యాడు. ప్రస్తుతం అతడి ట్వీట్ నెట్టింట వైరల్‌ అవుతుంది.
ఇక భీమ్లానాయక్‌ బ్యూటీ, హీరోయిన్‌ సంయుక్తి మీనన్‌ సైతం పవన్ గెలుపై హర్షం వ్యక్తం చేసింది. "అభినందనలు పవన్ కళ్యాణ్ గారు" సింపుల్‌గా ఆయన విజయాన్ని స్వాగతించింది.