KA Movie : యంగ్ టాలెంటెడ్ హీరో కిరణ్ అబ్బవరం హీరోగా నటించిన భారీ పీరియాడిక్ యాక్షన్ థ్రిల్లర్ మూవీ "క". దీపావళి కానుకగా అక్టోబర్ 31న ఈ మూవీ థియేటర్లలోకి రాగా, ప్రేక్షకుల నుంచి మిక్స్డ్ రెస్పాన్స్ వస్తోంది. అయితే ఈ సినిమా ప్రీ రిలీజ్ ఈవెంట్ లో కిరణ్ అబ్బవరం కొందరు తనను కావాలని టార్గెట్ చేశారంటూ చేసిన కామెంట్స్ సంచలనం సృష్టించాయి. "మీ సినిమాల్లో నన్ను ట్రోలింగ్ చేసే అంతగా ఏం చేశాను మీకు నేను?"అంటూ కిరణ్ అబ్బవరం ఎమోషనల్ అయిన తీరు అందరినీ కదిలించింది. దీంతో ఆయనకు గట్టిగానే సపోర్ట్ పెరిగింది. నాగ చైతన్య, విశ్వక్సేన్ లాంటి యంగ్ హీరోలు కిరణ్ అబ్బవరంకి సపోర్ట్ చేశారు. ఈ నేపథ్యంలోనే కిరణ్ అబ్బవరంను ట్రోల్ చేసిన ఆ సినిమా ఏంటి? జూబ్లీహిల్స్ చెక్ పోస్ట్ దగ్గర ఉన్న ఆ సంస్థ ఏంటి? అంటూ ఆరా తీయడం మొదలుపెట్టారు నెటిజెన్లు. అంతేకాదు కిరణ్ అబ్బవరం కామెంట్స్ చేసిన నిమిషాల వ్యవధిలోని ఆ సినిమా ఏంటో పట్టేసారు కూడా. మరి ఆ మూవీ ఏంటో చూసేద్దాం పదండి.
తాజాగా "క" మూవీకి సంబంధించిన ప్రీ రిలీజ్ ఈవెంట్ ను నిర్వహించగా అక్కినేని నాగ చైతన్య, నిర్మాత ఎస్కేఎన్ అతిథులుగా హాజరయ్యారు. ఇదే వేదికపై కిరణ్ అబ్బవరం మాట్లాడుతూ "గతంలో నేను చేసిన కొన్ని సినిమాలు డీసెంట్ గా ఉన్నాయి, మరికొన్ని పోయాయి. హిట్స్ ఫ్లాప్ అనేవి కామన్. కానీ నా బాధ అది కాదు.. ఈ విషయం నేను మీకు చెప్పిన తర్వాత కూడా వాళ్ళు మళ్లీ నాపై పగ పడతారు. అయినా సరే చెప్తాను. ఈ చెక్ పోస్ట్ దగ్గర ఉండే ఒక కంపెనీ వల్ల నేను చాలా బ్యాడ్ గా ఫీల్ అయ్యాను, హర్ట్ అయ్యాను. ఏదో షార్ట్ ఫిలిమ్స్ చేస్తూ ఇక్కడ దాకా వచ్చాను. నా పని నేను చేసుకుంటూ వెళుతున్నాను. ఇదంతా పక్కన పెడితే వాళ్ళ సినిమాలో నాపై ట్రోలింగ్ చేశారు. అసలు మీ సినిమాల్లో నా మీద ట్రోలింగ్ చేయాల్సిన అవసరం ఏముంది? ఇది కూడా రిక్వెస్టింగ్ గానే అడుగుతున్నాను. నామీద ఎందుకు ఇదంతా... మిమ్మల్ని ఏరోజైనా ఏమైనా అడిగానా.. సినిమాలో నామీద డైరెక్ట్ గా ట్రోలింగ్ ఎందుకు.. కనీసం నాకు ఇన్ఫర్మేషన్ కూడా ఇవ్వలేదు. అసలు నాతో ప్రాబ్లమ్ ఏంటి? నేను ఎదగకూడదా? " అంటూ ఆవేదనను వ్యక్తం చేశారు.
ఇక కిరణ్ అబ్బవరంను ట్రోల్ చేసిన సినిమా మరేదో కాదు 'బాయ్స్ హాస్టల్'. కిరణ్ అబ్బవరం చేసిన కామెంట్స్ తో ఈ వివాదం పెద్దదవ్వగా నెటిజన్లు సదరు సినిమా ఇదేనంటూ 'బాయ్స్ హాస్టల్' మేకర్స్ పై మండిపడుతున్నారు. గతంలో మంచు విష్ణుపై కూడా ఇదే రకంగా ట్రోల్ చేశారు. అప్పట్లో విష్ణు సీరియస్ అయ్యారు. ఇప్పుడు కిరణ్ అబ్బవరం ఫైర్ అయ్యారు. దీంతో ఆ సినిమా నిర్మాతలు సారీ చెప్పారు.
Read Also : KA Movie Review - క రివ్యూ: కిరణ్ అబ్బవరం 2.ఓ - సినిమా ఎలా ఉంది? హిట్టా? ఫట్టా?