Jigarthanda Double X : కోలీవుడ్ టాలెంటెడ్ ఫిలిం మేకర్స్ లో కార్తీక్ సుబ్బరాజ్ ఒకరు. తన మేకింగ్, విజువల్ ఎక్స్పీరియన్స్ తో ఆడియన్స్ ని కొత్త ప్రపంచానికి తీసుకెళ్తారు. తన సినిమాల్లో రెడ్ అండ్ బ్లాక్ ఎక్కువగా వాడుతూ ఆడియన్స్‌కు సరికొత్త అనుభూతి ఇచ్చే ఈ డైరెక్టర్.. పిజ్జా, జిగర్ తండా, పేట సినిమాలతో కోలీవుడ్లో తనకంటూ ప్రత్యేక ఇమేజ్ సంపాదించుకున్నాడు. ఇక పిజ్జా, పేట వంటి సినిమాలు తెలుగులో కూడా మంచి రెస్పాన్స్ అందుకున్నాయి.
కార్తీక్ సుబ్బరాజ్ ఇటీవల రాఘవ లారెన్స్, ఎస్. జె సూర్య ప్రధాన పాత్రలతో 'జిగర్తాండ డబుల్ ఎక్స్' మూవీని తెరకెక్కించిన సంగతి తెలిసిందే. దీపావళి కానుకగా ఈ మూవీ థియేటర్స్ లో విడుదలైంది. తమిళంతో పాటు తెలుగులో విడుదలైన ఈ చిత్రం అన్ని వర్గాల ప్రేక్షకులను ఆకట్టుకుంది. ఈ సినిమాలో కార్తీక్ సుబ్బరాజు మేకింగ్, సినిమాటోగ్రఫీ సినిమాని నెక్స్ట్ లెవెల్ కి తీసుకెళ్లాయి.
కార్తీక్ సుబ్బరాజ్ హాలీవుడ్ లెజెండరీ డైరెక్టర్, నటుడు, నిర్మాత.. ఆస్కార్ విన్నర్ క్లింట్ ఈస్ట్ వుడ్ కి చాలా పెద్ద ఫ్యాన్. అందుకే ఆయనకి ట్రిబ్యుట్ ఇస్తూ ‘జిగర్ తండా డబుల్ ఎక్స్’ మూవీలో కొన్ని సన్నివేశాలను పెట్టాడు. సినిమాని చూసిన మూవీ లవర్స్ సోషల్ మీడియాలో క్లింట్ ఈస్ట్ వుడ్ ని టాగ్ చేసి.. ‘‘ఇండియా మీకు ట్రిబ్యూట్ ఇస్తూ మంచి సినిమాను తీశారు. మీరు వీలైతే ‘జిగర తాండ డబుల్ ఎక్స్’ సినిమా చూడండి’’ అంటూ వరుస ట్వీట్స్ చేశారు. ఇక ఈ ట్వీట్స్ క్లింట్ ఈస్ట్ వుడ్ వరకు వెళ్లడంతో ఆయన టీం దీనిపై రెస్పాండ్ అయ్యారు. "ప్రస్తుతం క్లింట్ ఈస్ట్ వుడ్.. ఆయన డైరెక్ట్ చేస్తున్న ‘జ్యురర్ 2’ సినిమా షూటింగ్‌తో బిజీగా ఉన్నారు. ‘జిగర్తాండ డబుల్ ఎక్స్’ గురించి క్లింట్ ఈస్ట్ వుడ్‌కు తెలుసు. షూటింగ్ నుంచి ఫ్రీ అయ్యాక కచ్చితంగా సినిమా చూస్తారు" అంటూ క్లింట్ ఈస్ట్ వుడ్ టీం రిప్లై ఇచ్చింది.
క్లింట్ వుడ్ టీమ్ నుంచి పాజిటివ్ రెస్పాన్స్ రావడంతో కార్తీక్ సుబ్బరాజ్ ఫుల్ హ్యాపీగా ఉన్నాడు. ఇదే విషయాన్ని తన ట్విట్టర్ వేదికగా పంచుకున్నాడు. తనకు చాలా హ్యాపీగా ఉందని, లెజెండ్ క్లింట్ ఈస్ట్ వుడ్ తన డబుల్ ఎక్స్ సినిమాని త్వరలోనే చూడబోతున్నారని పేర్కొన్నారు. అంతేకాకుండా భారతదేశంలో ఆయనకున్న లక్షలాది అభిమానుల తరఫున ఈ సినిమాని నేను హార్ట్ ఫుల్ గా డెడికేట్ చేస్తున్నాను. సినిమా చూసి ఆయన ఏమంటారో వినడానికి వినేందుకు ఎంతో ఆసక్తిగా ఎదురుచూస్తున్నాను" అంటూ తన ట్వీట్లో పేర్కొన్నారు కార్తీక్ సుబ్బరాజ్.
Also Read : ఇష్టం లేకపోతే చూడకండి, ‘యానిమల్’ విమర్శలపై త్రిప్తి దిమ్రి ఘాటు వ్యాఖ్యలు!