Triptii Dimri: త్రిప్తి దిమ్రి దెబ్బకు ఆ ఇద్దరు హీరోయిన్లు ఔట్ - అరుదైన క్రెడిట్ కొట్టేసిన ‘యానిమల్‘ బ్యూటీ

Triptii Dimri: ‘యానిమల్’ బ్యూటీ త్రిప్తి దిమ్రి రోజు రోజుకు మరింత క్రేజ్ తెచ్చుకుంటోంది. తాజాగా IMDBలో మోస్ట్ పాపులర్ ఇండియన్ సెలబ్రిటీగా గుర్తింపు పొందింది.

Triptii Dimri becomes most popular Indian celebrity on IMDB: ‘యానిమల్’ మూవీ నటి త్రిప్తి దిమ్రి కెరీర్ లో మైల్ స్టోన్ గా మిగిలింది. ఈ చిత్రంతో కనీవినీ ఎరుగని రీతిలో పాపులారిటీ సంపాదించుకుంటోంది. ఈ సినిమాలో ఆమె చిన్న పాత్రే చేసినా, అద్భుత నటనతో ప్రేక్షకులను అలరించింది. ఆమె అందం, అభినయానికి ప్రేక్షకులు ఫిదా అయ్యారు. 'నేషనల్ క్రష్' అనే బిరుదును కూడా సంపాదించుకుంది. ఈ చిత్రంలో ఆమె అందానికి అభిమానులు ఫిదా అయ్యారు.

IMDBలో మోస్ట్ పాపులర్ ఇండియన్ సెలబ్రిటీగా త్రిప్తి

ప్రస్తుతం త్రిప్తి దిమ్రి స్టార్ కిడ్స్ ను సైతం వెనక్కి నెట్టి మరీ ఫుల్ పాపులారిటీ సంపాదించుకుంటోంది. ‘ది ఆర్చీస్‌’లో తొలిసారిగా నటించిన స్టార్ కిడ్స్ సుహానా ఖాన్,  కుషీ కపూర్‌‌లను సైతం క్రేజ్ లో వెనక్కి నెట్టేసింది. IMDBలో మోస్ట్ పాపులర్ ఇండియన్ సెలబ్రిటీగా గుర్తింపు తెచ్చుకుంది.

IMDB తాజాగా పాపులర్ ఇండియన్ సెలబ్రిటీస్ ఫీచర్ కు సంబంధించి లేటెస్ట్ ఎడిషన్ విడుదల చేసింది. ఈ లిస్టులో త్రిప్తి దిమ్రి టాప్ ప్లేస్ ను దక్కించుకుంది. ‘యానిమల్’ దర్శకుడు సందీప్ రెడ్డి వంగా రెండో స్థానంలో నిలిచారు. ‘ది ఆర్చీస్‌’ దర్శకుడు జోయా అక్తర్, ‘డుంకీ’ దర్శకుడు రాజ్‌కుమార్ హిరానీ, ‘కేజీఎఫ్’ స్టార్ హీరో యష్ తో పాటు మరికొంత మంది సెలబ్రిటీలు ఈ లిస్టులో ప్లేస్ దక్కించుకున్నారు. 

‘యానిమల్’తో త్రిప్తికి ఓరేంజిలో పాపులారిటీ  

‘యానిమల్’ సినిమా తర్వాత త్రిప్తి దిమ్రి పాపులారిటీ ఓ రేంజిలో పెరిగింది. ఆమె ఇన్‌స్టాగ్రామ్ లో ఫాలోవర్ల సంఖ్య పెద్ద మొత్తంలో పెరిగింది. ఈ సినిమా విడుదలకు ముందుకు ఆమె ఇన్ స్టాలో కేవలం 6 లక్షల మంది ఫాలోవర్లు ఉండగా, డిసెంబర్ 1న ఈ సినిమా విడుదల అయ్యాక, ఆమె ఫాలోవర్ల సంఖ్య ఏకంగా 320 శాతం పెరిగింది. ఇప్పుడు ఆమె ఇన్ స్టాలో 3.7 మిలియన్ల మంది ఫాలోవర్లు ఉన్నారు.

‘మామ్’ చిత్రంతో ఇండస్ట్రీలోకి ఎంట్రీ

త్రిప్తి దిమ్రి 2017లో శ్రీదేవి నటించిన ‘మామ్’ చిత్రంతో తన నటనా జీవితాన్ని మొదలు పెట్టింది. ఆమె ఇటీవల ‘ఖలా’, ‘బుల్బుల్’ లాంటి సినిమాల్లో నటించింది. చక్కటి నటనతో విమర్శకుల ప్రశంసలు దక్కించుకుంది. తాజాగా ‘యానిమల్’ సినిమాలో నటించింది. ఇందులో ఆమె నటనకు పెద్ద ఎత్తున ప్రశంసలు దక్కాయి.  ప్రస్తుతం ఈ ముద్దుగుమ్మమ విక్కీ  కౌశల్ తో కలిసి ఓ సినిమా చేస్తోంది. ప్రస్తుతం ఈ సినిమా షూటింగ్ క్రొయేషియాలో కొనసాగుతోంది. తాజాగా ఈ సినిమాకు సంబంధించిన షూటింగ్ ఫోటోలు కొన్ని సోషల్ మీడియాలో దర్శనం ఇచ్చాయి. ఇందులో త్రిప్తి, విక్కీ రొమాంటిక్ గా కనిపించారు.  విక్కీ ఆమెను తన చేతులతో పైకి ఎత్తాడు. రొమాంటిక్ కామెడీగా తెరకెక్కుతున్న ఈ సినిమాకు సంబంధించి పూర్తి వివరాలు తెలియాల్సి ఉంది.