అందాల తార ఐశ్వర్య రాయ్ కి సంబంధించి ఒక న్యూస్ ఇప్పుడు ఇంటర్నెట్లో వైరల్ గా మారింది. ఐష్ మరో సారి తల్లి కాబోతోంది అంటూ పుకార్లు షికార్లు చేస్తున్నాయి. ఇందుకు సంబంధించిన ఫోటోస్ కూడా వైరల్ గా మారాయి. మణిరత్నం దర్శకత్వంలో తెరకెక్కిన పొన్నియన్ సెల్వన్ సినిమాలో ఐశ్వర్య నందిని పాత్రలో నటించింది. ఇప్పటికే ఈ సినిమా టీజర్, ట్రైలర్ అభిమానులని ఆకట్టుకుంటున్నాయి. ఇందులో ఐష్ మరింత అందంగా కనిపిస్తోంది. ఈ సినిమా ఫస్ట్ పార్ట్ ఈనెల 30న విడుదల కానుంది. ఈ నేపథ్యంలోనే చిత్ర యూనిట్ సినిమా ప్రమోషన్స్లో బిజీ బిజీగా గడిపేస్తుంది. తాజాగా ముంబయి విమానాశ్రయంలో కనిపించిన కెమెరాకి చిక్కింది. అందులో వైట్ కలర్ లాంగ్ కోత్ ధరించి కనిపించింది. అది చూసిన నెటిజన్స్ ఐశ్వర్య మరో సారి తల్లి కాబోతుంది అంటూ కామెంట్స్ చేస్తున్నారు.
మరోసారి గర్భవతి?
ఆ డ్రెస్లో ఆమె గర్భవతిలాగా కనిపిస్తుంది. త్వరలోనే ఆమె అందరికీ శుభవార్త చెప్పబోతున్నారు అని నెటిజన్స్ కామెంట్లు పెడుతున్నారు. మరికొందరు ఐష్ మొహం చూస్తే ప్రగ్నెంట్ లాగానే ఉందని అంటున్నారు. గతంలో కూడా ఐష్ ఇలాగే పొట్ట కనిపించకుండా ఉండేందుకు బ్లాక్ కలర్ లాంగ్ కోట్ వేసుకుని తన కూతురు ఆరాధ్యతో కలిసి కనిపించారు. వాటిలోనూ ఆమె ఇదే విధంగా కనిపించారు. దీంతో బచ్చన్ ఫ్యామిలిలోకి మరో బేబీ రాబోతుంది అంటూ పుకార్లు వచ్చాయి.
Also Read : 'కృష్ణ వ్రింద విహారి' రివ్యూ : నాగశౌర్య నయా సినిమా ఎలా ఉందంటే?
అయితే ఐశ్వర్య రెండో సారి తల్లి కాబోతుంది అనే వార్తలు గతంలోను చాలా సార్లు వచ్చాయి. కానీ వాటిపై ఇప్పటి వరకు బచ్చన్ ఫ్యామిలీ స్పందించలేదు. కెరీర్ పీక్ స్టేజ్లో ఉన్నప్పుడు ఐశ్వర్య అభిషేక్ బచ్చన్ ను 2007 లో వివాహం చేసుకుంది. అప్పటి నుంచి సినిమాలకు దూరంగా ఫ్యామిలికి టైమ్ కేటాయిస్తూ వచ్చింది. వారి ప్రేమకి గుర్తుగా 2011 లో ఆరాధ్య జన్మించింది. ఎక్కడికి వెళ్ళిన ఐష్ తన కుమార్తె ఆరాధ్యని వెంట తీసుకుని వెళ్తుంది. కేన్స్ ఫిల్మ్ ఫెస్టివల్ కి కూడా కూతురిని తీసుకుని వెళ్ళి పాల్గొంది.
చాలా ఏళ్ల విరామం తర్వాత ఐష్ మళ్ళీ వెండితెరపై కనిపించబోతోంది. మణిరత్నం తెరకెక్కించిన పొన్నియన్ సెల్వణ్ పార్ట్ 1 లో నటించింది. ఈ చిత్రంలో ఇళయ పిరట్టి కుందవై దేవి పాత్రలో త్రిష కృష్ణన్ నటిస్తుండగా, నందిని పాత్రలో ఐశ్వర్యరాయ్ యాక్ట్ చేస్తున్నది. ఈ మూవీలో ఐశ్వర్య ద్విపాత్రాభినయం చేస్తుందట. అందులో ఒక పాత్ర నెగిటీవ్ షేడ్స్‌తో ఉండనుందట. చోళ రాజకుమారులుగా విక్రమ్, జయం రవి, కార్తీ, శోభిత ధూళిపాళ నటిస్తున్నారు. మద్రాస్ టాకీస్, లైకా ప్రొడక్షన్స్ సంయుక్తంగా నిర్మించిన ఈ ప్రతిష్టాత్మక ప్రాజెక్ట్‌కు ఎఆర్ రెహమాన్ సంగీతం అందించారు.
Also Read : 'బబ్లీ బౌన్సర్' రివ్యూ : తమన్నా బబ్లీగా ఉన్నారా? బౌన్సర్‌గా ఇరగదీశారా? సినిమా ఎలా ఉందంటే?