వచ్చే ఏడాది సంక్రాంతి సినిమాల విషయంలో చాలా రోజులుగా చర్చలు జరుగుతూనే ఉన్నాయి. అప్పటివరకు మహేష్ బాబు, పవన్ కళ్యాణ్, ప్రభాస్ తమ సినిమాలను సంక్రాంతి కానుకగా విడుదల చేయాలనుకున్నారు. కానీ సడెన్ గా రేసులోకి 'ఆర్ఆర్ఆర్' వచ్చింది. దీంతో మహేష్ బాబు ముందుగా వెనక్కి తగ్గాడు. తన 'సర్కారు వారి పాట' సినిమాను వాయిదా వేసుకున్నాడు. ఇదే బాటలో పవన్ కళ్యాణ్ సినిమా 'భీమ్లానాయక్' కూడా నడుస్తుందని అనుకున్నారు కానీ నిర్మాతలు రాజీ పడలేదు. సంక్రాంతికి సినిమాను రిలీజ్ చేయకపోతే మళ్లీ సమ్మర్ వరకు వాయిదా వేసుకోవాల్సి ఉంటుందని 'భీమ్లానాయక్' నిర్మాతలు భావించారు. అందుకే ఎట్టిపరిస్థితుల్లో తమ సినిమాను సంక్రాంతికి రిలీజ్ చేయాలనుకున్నారు. 


ఎప్పటికప్పుడు తమ సినిమా రిలీజ్ డేట్ ని నొక్కి చెబుతూనే ఉన్నారు. కానీ తాజాగా అందుతున్న సమాచారం ప్రకారం.. ఇప్పుడు పవన్ సినిమా వాయిదా పడే ఛాన్స్ ఉందని తెలుస్తోంది. కొన్ని కారణాల వలన సినిమాని రెండు వారాల తరువాత ఫిబ్రవరి 4న విడుదల చేయాలని భావిస్తున్నారట. నిజానికి ఆ డేట్ న మెగాస్టార్ చిరంజీకి 'ఆచార్య' సినిమా రావాలి. కానీ ఇప్పుడు సినిమాలో కొన్ని ఎపిసోడ్స్ ను రీషూట్ చేయాలనుకుంటున్నారు. దానికి ఇంకాస్త సమయం కావాలి. అందుకే తమ సినిమాను వాయిదా వేయాలని నిర్ణయించుకుంది 'ఆచార్య' టీమ్. మార్చి 25న 'ఆచార్య'ను విడుదల చేసే ఛాన్స్ ఉంది. 


మొత్తానికి అన్నయ్య సినిమా రావాల్సిన రోజున పవన్ కళ్యాణ్ తన సినిమాను రిలీజ్ చేయడానికి రెడీ అవుతున్నారు. ఈ విషయంపై త్వరలోనే అధికార ప్రకటన రానుందని సమాచారం. మొత్తానికి ఇండస్ట్రీ పెద్దలంతా కలిపి పవన్ సినిమాను వాయిదా వేయించడంలో సక్సెస్ అయినట్లే ఉన్నారు. ఆ లెక్కన చూసుకుంటే 'ఆర్ఆర్ఆర్', 'రాధేశ్యామ్' సినిమాలు సంక్రాంతి సీజన్లో రాబోతున్నాయి. పవన్ సినిమా వాయిదా పడింది కాబట్టి నాగార్జున 'బంగార్రాజు' సినిమా జనవరి 15న విడుదల చేసే అవకాశాలు ఉన్నాయి. మరేం జరుగుతుందో చూడాలి!


Also Read:'హగ్ గురు అయిపోతాడు మనోడు'.. షణ్ముఖ్ హగ్గులపై సన్నీ కామెంట్స్..


Also Read: ట్రోఫీ మరిచిపో.. అతడికి హింట్ ఇచ్చి కవర్ చేసిన హరితేజ..


Also Read: రవితేజతో గొడవలు.. బాలయ్య క్లారిటీ ఇస్తాడా..?


Also Read:అప్పుడు హోస్ట్ గా.. ఇప్పుడు గెస్ట్ గా.. బిగ్ బాస్ స్టేజ్ పై నాని..


Also Read: 'బిగ్ బాస్' విన్నర్ ఎవరు? నాగార్జున ఏమన్నారంటే...


ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి