నందమూరి బాలకృష్ణ నటించిన ‘అఖండ’ మూవీ థియేటర్లలోకి వచ్చేసింది. గురువారం ఉదయం నుంచే అభిమానుల కోసం బెనిఫిట్ షోలను వేశారు. బోయపాటి శ్రీను దర్శకత్వంలో తెరకెక్కిన ఈ చిత్రంపై అంచనాలు భారీగానే ఉన్నాయి. ఈ చిత్రంలో బాలయ్య సరసన ప్రగ్యా జైస్వాల్ హీరోయిన్‌గా నటించింది. ఈ చిత్రంలో బాలయ్య తొలిసారి అఘోరా పాత్రలో కనిపించనున్నారు. గురువారం ప్రివ్యూలు చూసిన ప్రేక్షకులు ట్విట్టర్ వేదికగా సినిమాపై తమ అభిప్రాయాలను తెలుపుతున్నారు. మరి బాలయ్య ‘అఖండ’ ఎలా ఉంది? ప్రేక్షకుల అభిప్రాయం ఏమిటీ తదితర వివరాలను చూసేద్దామా.
ఈ చిత్రం చూసిన ప్రేక్షకుల అభిప్రాయం ప్రకారం.. సినిమా ఫస్ట్ ఆఫ్‌లో అదిరిపోయిందట. ముఖ్యంగా ఇంటర్వెల్‌లో అఘోరాగా బాలయ్య ఇచ్చే ఎంట్రీ చూస్తే రోమాలు నిక్కబొడుచుకుంటాయట. అలాగే ఫైటింగ్ సీక్వెన్స్ కూడా దుమ్ముదులిపేశాయట. యాక్షన్ సీన్లను ఇష్టపడే అభిమానులు ఈ చిత్రం చూసి పండగ చేసుకుంటారని అంటున్నారు. సెకండాఫ్‌లో కూడా యాక్షన్ సన్నివేశాలు భారీ స్థాయిలో ఉన్నాయట. బాలయ్య ఉగ్రరూపానికి తమన్ సంగీతం తోడు కావడంతో ఫ్యాన్స్‌కు పూనకాలు వస్తున్నాయట. విలన్‌గా శ్రీకాంత్ పాత్ర కూడా అదిరిపోయిందని, బాలయ్యతో వచ్చే సన్నివేశాలు పీక్స్ అని అంటున్నారు.
మరో ప్రేక్షకుడి అభిప్రాయం ప్రకారం ఫస్ట్ ఆఫ్ యావరేజ్‌గా సాగుతుందని, అఘోరాగా బాలయ్య ఎంట్రీ తర్వాత సినిమాకు ఊపు వస్తుందట. ముఖ్యంగా పోలీస్ స్టేషన్‌లోని సన్నివేశం, క్లైమాక్స్.. అదిరిపోతుందట. అఘోరా పాత్రలో బాలయ్య ఇమిడిపోయారని, ఆయనలా మరెవ్వరూ చేయలేరని అంటున్నారు. తమన్ బీజీఎం ఈ చిత్రానికి ప్లస్ పాయింట్ అని అంటున్నారు. అయితే, కామెడీ సన్నివేశాలు లేకపోవడం మైనస్ పాయింటని, హీరోయిన్‌తో లవ్ సీన్స్ అంత మెప్పించవని మరికొందరు అంటున్నారు. ఇది ‘లెజెండ్’, ‘సింహా’ సినిమాల టైప్ కాదని.. అంతకు మించని మరో ప్రేక్షకుడు ట్వీట్ చేశాడు.
Also Read: మహేష్ బాబు ఫ్యాన్స్‌కు షాక్.. ఆగిన షూటింగ్, సర్జరీ కోసం అమెరికాకు ప్రయాణం?
Also Read: 'పావుగంటకొక పెక్.. రాత్రికొక పెగ్'.. బ్రహ్మానందంతో బాలయ్య అల్లరి..
Also Read: 'ఫోకస్' టాస్క్ ఫన్నీ టాస్క్ గా మారిపోయిందే..
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి