Sharwanand Marriage: టాలీవుడ్ హీరో శర్వానంద్-హర్షిత రెడ్డిల పెళ్లి వేడుకలు ఘనంగా జరుగుతున్నాయి. ఈ పెళ్లి వేడుకకు రాజస్తాన్ లోని జైపూర్‌ ప్యాలెస్‌ సుందరంగా ముస్తాబైంది. కాబోయే వధూవరులిద్దరూలతో పాటు కుటుంబ సభ్యులు ప్యాలెస్‌లో పెళ్లి సంబరాల్లో మునిగి తేలుతున్నారు. పెళ్లి వేడుకల్లో భాగంగా మొదటి రోజు హల్దీ వేడుకలతో సందడి మొదలైంది. ఈ హల్దీ వేడుకలకు సంబంధించిన వీడియో ఒకటి నెట్టింట వైరల్ గా మారింది. ఈ వీడియోలో శర్వానంద్ తెల్లని దుస్తులు ధరించాడు. అక్కడున్న వారి బంధువులకు శర్వాకు పసుపు పూయడం కనిపించింది. ఇంకా మెహందీ, సంగీత్ వేడుకలు కూడా జ‌ర‌గ‌నున్నాయి. జూన్3 న వేదమంత్రాల సాక్షిగా రక్షిత మెడలో మూడు ముళ్లు వేయనున్నాడు శర్వానంద్.
శర్వానంద్, రక్షితల నిశ్చితార్థం ఈ ఏడాది జనవరిలో జరిగింది. ఈ వేడుక హైదరాబాద్ లో ఇరు కుటుంబ సభ్యుల సమక్షంలో జరిగింది. ఈ ఎంగేజ్మెంట్ కు టాలీవుడ్ నుంచి పలువురు ప్రముఖులు హాజరయ్యారు. రామ్ చరణ్ దంపతులు కూడా ఈ వేడుకకు హాజరయ్యారు. ఇక ఇప్పుడు శర్వా, రక్షిత పెళ్లి బంధంతో ఒక్కటవ్వబోతున్నారు. రేపు(జూన్ 3) ఉదయం 11:30 గంటలకు శర్వాని పెళ్లికొడుకు చేసే కార్యక్రమం ఘనంగా జరగనుంది. రాత్రి 11 గంటలకు శర్వా, రక్షిత మెడలో మూడు ముళ్లు వేసి ఏడడుగులు వేయబోతున్నాడు. ఈ పెళ్ళికి సినీ ప్రముఖులతో పాటు పలువురు రాజకీయ నాయకులు కూడా హాజరుకానున్నారు. అంతేకాకుండా శర్వానంద్ స్వయంగా వెళ్లి కొంతమంది ప్రముఖులను ఆహ్వానించినట్టు తెలుస్తోంది.
ఇక శర్వానంద్ సినిమాల విషయానికొస్తే.. శర్వా రీసెంట్ గా ‘ఒకే ఒక జీవితం’ సినిమాతో మంచి హిట్ ను అందుకున్నాడు. కెరీర్ ప్రారంభంలో సపోర్టింగ్ పాత్రలు మాత్రమే చేస్తూ తన టాలెంట్ ను నిరూపించుకున్నాడు. తర్వాత శర్వాలోని ప్రతిభను చూసి వరుసగా అవకాశాలు వచ్చాయి. అలా ‘గమ్యం’, ‘ప్రస్థానం’ వంటి సినిమాల్లో నటించి మంచి గుర్తింపు తెచ్చుకున్నాడు. తర్వాత ‘రన్ రాజా రన్’, ఎక్స్ప్రెస్ రాజా, ‘శతమానంభవతి’, ‘మహానుభావుడు’ వంటి కమర్షియల్ హిట్స్ ను అందుకున్నాడు. మధ్యలో సరైన హిట్ లేక ఇబ్బంది పడినా తర్వాత మళ్లి గాడిన పడ్డాడు. శ్రీరామ్ ఆదిత్య దర్శకత్వంలో ఓ సినిమా చేస్తున్నాడు. పీపుల్ మీడియా ఫ్యాక్టరీ బ్యానర్ పై తెరకెక్కుతోంది. పెళ్లి కోసం ఈ సినిమా షూటింగ్ కు కాస్త గ్యాప్ ఇచ్చాడు శర్వానంద్.
Read Aslo: వామ్మో, అంత భారీ ఫైటా? రామ్‌తో 24 రోజులు షూటింగ్, 1500 మందితో యాక్షన్ స్వీక్వెన్స్