కన్నతండ్రి పిల్లలను కంటికి రెప్పలా కాపాడుకోవాలి. కానీ అతడే కన్నకూతురిపై కన్నేసి పాడు చేస్తే.. ఎంతటి దారుణం. కామంతో కళ్లు మూసుకుపోయి.. నోరు నొక్కి రెండు సార్లు అత్యాచారం చేశాడు ఓ తండ్రి. బాధితురాలు.. ఈ విషయం అన్నకు చెప్పడంతో ఈ విషయం బయటకు వచ్చింది.
హైదరాబాద్ బంజారాహిల్స్ ప్రాంతంలో ఓ ఆటోడ్రైవర్ నివసిస్తున్నాడు. అతడి భార్యకు కొన్ని రోజులుగా ఆరోగ్యం బాగా లేదు. ఈ క్రమంలో భార్య సోదరుడు.. ఇటీవలే.. ఇంటికి వచ్చాడు. తన సోదరుడితో కలిసి.. అమ్మ వాళ్ల ఇంటికి వెళ్లాలని నిర్ణయించుకుంది. ఇదే విషయాన్ని భర్తకు చెప్పింది. అయితే వెళ్లేప్పుడు పిల్లలను కూడా తీసుకెళ్తా అని చెప్పింది. పిల్లలను తన వద్దే ఉంచుకుంటానని చెప్పి.. భార్యను మాత్రమే పంపించాడు భర్త.
తండ్రే కదా.. అనుకున్నారు పిల్లలు. కానీ అతడిలో లోపల ఉన్న పాడుబుద్ధి అప్పుడే బయటపడింది. ఈ నెల 9వ తేదీన అర్ధరాత్రి ఇంటికి వచ్చాడు తండ్రి. కుమార్తె(15) నిద్రిస్తున్న గదికి వెళ్లాడు. నోరు నొక్కి రెండు సార్లు అత్యాచారం చేశాడు. తండ్రి ఇలా చేయడంచో ఆ బాలికకు ఏం అర్థం కాలేదు.
ఉదయం లేవగానే.. నాన్న చేసిన పనిని.. సోదరుడికి చెప్పింది. ఇద్దరూ కలిసి మహబూబ్ నగర్ లో ఉన్న తల్లి వద్దకు వెళ్లిపోయారు. జరిగిన విషయాన్ని తల్లికి చెప్పారు. హైదరాబాద్ వచ్చిన తల్లి.. పోలీసులకు ఫిర్యాదు చేసింది. ఈ మేరకు తండ్రిపై ఐపీసీ సెక్షన్లతోపాటు పోక్సో చట్టం కింద కేసు నమోదు చేశారు. నిందితుడిని అరెస్టు చేశారు.
Also Read: Guntur: చంద్రయ్య హత్య కేసులో 8 మంది అరెస్టు.. దాడికి అసలు కారణం ఇదే.. ఎస్పీ ప్రకటన
Also Read: ఓర్నీ.. చేప వీర్యంతో స్పెషల్ కర్రీ.. అంత కరువేంది బ్రో!