Stock Market Today, 30 November 2023: అంతర్జాతీయ మార్కెట్ల నుంచి సానుకూల సంకేతాలు, హెవీవెయిట్స్‌ లాభాలతో బుధవారం ఇండియన్‌ మార్కెట్లు వరుసగా రెండో రోజు ర్యాలీ చేశాయి. మొమెంటం కొనసాగుతుందని మార్కెట్‌ ఎనలిస్ట్‌లు భావిస్తున్నారు. అయితే.. GDP, మంత్లీ F&O ఎక్స్‌పైరీ, ఎగ్జిట్ పోల్స్, ఈ రోజు జరిగే OPEC+ సమావేశం వంటి కీలక అంశాలు మార్కెట్‌ డైరెక్షన్‌ను మార్చే అవకాశం ఉంది.
నిఫ్టీ, 19900 స్థాయిని బ్రేక్‌ చేసింది కాబట్టి, భవిష్యత్‌ సెషన్స్‌లో 20250-20350 స్థాయిలకు చేరే ఛాన్స్‌ ఉంది, కొత్త ఆల్-టైమ్ గరిష్టాలు ఏర్పడొచ్చు. తక్షణ మద్దతు 19950 స్థాయిలో ఉంది.
US స్టాక్స్ పతనం
బుధవారం U.S. స్టాక్స్ నష్టాల్లో క్లోజ్‌ అయ్యాయి. డో జోన్స్‌ 0.04%, S&P ఆఫ్ 0.09%, నాస్‌డాక్ 0.16 శాతం క్షీణించాయి. బలంగా పుంజుకుంటున్న ఆ దేశ GDPతో మాంద్యం భయాలు తగ్గాయి. అయితే, ఫెడరల్ రిజర్వ్ అధికార్లు చేసిన కామెంట్లతో రెస్ట్రిక్టివ్‌ పాలసీ విధానంపై సందేహాలు రేకెత్తాయి.
మిక్స్‌డ్‌గా ఆసియా స్టాక్స్
2024 ప్రథమార్థంలో ఫెడరల్ రిజర్వ్ తన వడ్డీ రేట్లను తగ్గించే పనిని ప్రారంభించే అవకాశం ఉందన్న అంచనాలతో ఆసియాలో షేర్లు కొద్దిగా మారాయి. హాంగ్ సెంగ్ ఫ్యూచర్స్ 0.4% పెరిగింది, జపాన్ టోపిక్స్ 0.4% పడిపోయింది, ఆస్ట్రేలియా S&P/ASX 200 కొద్దిగా మారింది.
ఉదయం 8.10 గంటల సమయానికి గిఫ్ట్‌ నిఫ్టీ (GIFT NIFTY) 20 పాయింట్లు లేదా 0.01% గ్రీన్‌ కలర్‌లో 20,129 పాయింట్ల వద్ద ట్రేడవుతోంది. ప్రస్తుత పరిస్థితిని బట్టి, మన స్టాక్‌ మార్కెట్‌ ఈ రోజు పాజిటివ్‌గా ప్రారంభం అవుతుందని GIFT NIFTY సూచిస్తోంది.
ఇవాళ్టి ట్రేడ్‌లో చూడాల్సిన స్టాక్స్ ఇవి (Stocks in news Today):
టాటా టెక్నాలజీస్, గాంధార్ ఆయిల్, ఫెడ్‌బ్యాంక్ ఫైనాన్షియల్: ఈ మూడు కంపెనీల షేర్లు ఈ రోజు (గురువారం) ఎక్స్ఛేంజీల్లో లిస్ట్‌ అవుతాయి. టాటా టెక్నాలజీస్, గాంధార్ ఆయిల్ మంచి ప్రీమియంతో స్టార్ట్‌ అయ్యే అవకాశం ఉంది, ఫెడ్‌బ్యాంక్‌లో స్థబ్దత ఉండవచ్చు.
జొమాటో: చైనాకు చెందిన అలిపే, ఫుడ్ డెలివరీ కంపెనీ జోమాటోలో తన మొత్తం వాటాను బుధవారం బ్లాక్ డీల్స్ ద్వారా దాదాపు రూ.3,336 కోట్లకు విక్రయించింది.
ICICI సెక్యూరిటీస్‌: ICICI సెక్యూరిటీల షేర్లను డీలిస్ట్ చేయడానికి BSE, NSE నుంచి "నో అబ్జెక్షన్" లెటర్స్‌ను ICICI బ్యాంక్ అందుకుంది.
థామస్ కుక్: థామస్ కుక్ లిమిటెడ్ ప్రమోటర్ కంపెనీ ఫెయిర్‌బ్రిడ్జ్ క్యాపిటల్ (మారిషస్) లిమిటెడ్, ఆఫర్ ఫర్ సేల్ (OFS) ద్వారా థామస్ కుక్‌లో 8.5% వాటాను విక్రయించాలని బుధవారం ప్రతిపాదించింది.
SBI లైఫ్: SBI లైఫ్ MD & CEOగా అమిత్ జింగ్రాన్‌ నియామకానికి షేర్‌హోల్డర్లు ఆమోదం తెలిపారు.
GNFC: టెండర్ రూట్‌ ద్వారా షేర్‌ బైబ్యాక్ తేదీలను GNFC ప్రకటించింది. బైబ్యాక్ డిసెంబర్ 1న ప్రారంభమై అదే నెల 7వ తేదీన ముగుస్తుంది.
ZEE: సోనీతో విలీనం క్యాన్సిల్‌ చేస్తున్నారంటూ వచ్చిన వార్తలు తప్పని Zee ఎంటర్‌టైన్‌మెంట్ ప్రకటించింది.
అల్ట్రాటెక్ సిమెంట్: బర్న్‌పూర్ సిమెంట్ నుంచి సిమెంట్ గ్రైండింగ్ అసెట్స్‌ను అల్ట్రాటెక్ సిమెంట్ కొనుగోలు చేసింది.
Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్ అడ్వైజర్ల నుంచి సలహా తీసుకోవడం మంచిది.
మరో ఆసక్తికర కథనం: అదానీ రిటర్న్స్‌ - టాప్-20 బిలియనీర్స్‌ లిస్ట్‌లోకి రీఎంట్రీ, ఒక్కరోజులో రూ.లక్ష కోట్ల ర్యాలీ
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply