RBI Penalty on Banks: ఐసీఐసీఐ, పంజాబ్‌ బ్యాంకులకు ఆర్‌బీఐ షాకు.. భారీ జరిమానా

కేంద్ర బ్యాంకు నిబంధనల అమల్లో విఫలమైనందుకు ఐసీఐసీఐకి రూ.30 లక్షలు, పీఎన్‌బీకి రూ.1.8 కోట్లు జరిమానా వేసింది. ఇవి ఖాతాదారులు, వినియోగదారుల సేవల్లో లోపాలకు సంబంధించినవి కావని ఆర్బీఐ వివరణ ఇచ్చింది.

ఐసీఐసీఐ బ్యాంకు, పంజాబ్‌ నేషనల్‌ బ్యాంకుకు షాకులు తగిలాయి! ఈ రెండు బ్యాంకులకు భారతీయ రిజర్వు బ్యాంకు (RBI) భారీ జరిమానా విధించింది. కేంద్ర బ్యాంకు నిబంధనల అమల్లో విఫలమైనందుకు ఐసీఐసీఐకి రూ.30 లక్షలు, పీఎన్‌బీకి రూ.1.8 కోట్లు జరిమానా వేసింది. ఇవి ఖాతాదారులు, వినియోగదారుల సేవల్లో లోపాలకు సంబంధించినవి కావని ఆర్బీఐ వివరణ ఇచ్చింది.

బ్యాంకింగ్‌ నియంత్రణ చట్టం, 1949 లోని సెక్షన్‌ 47ఏ (1) (సి), సెక్షన్‌ 46 (4) (i) ప్రకారం ఐసీఐసీఐ, పంజాబ్‌ నేషనల్‌ బ్యాంకులపై జరిమానా వేశామని ఆర్బీఐ తెలిపింది. సేవింగ్స్‌ బ్యాంకు ఖాతాల్లో కనీస నగదు నిల్వ చేయని ఖాతాదారులపై రుసుములు విధించడంలో ఆర్‌బీఐ నిబంధనలను ఐసీఐసీఐ పక్కగా అమలు చేయలేకపోయింది. విచారణ చేపట్టిన కేంద్ర బ్యాంకు ఉల్లంఘన నిజమేనని తెలియడంతో జరిమానా వేసింది. ఇక అప్పులు తీసుకుంటున్న కంపెనీల్లో షేర్‌ హోల్డింగ్‌ 30 శాతానికి మించి ఉండటంతో భారీ జరిమానా పడింది.

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి