Stock Market Closing 28 December 2022: పవర్‌ స్టాక్స్‌కు గిరాకీ! స్వల్ప నష్టాల్లో సెన్సెక్స్‌, నిఫ్టీ క్లోజింగ్‌

Stock Market Closing 28 December 2022:

భారత స్టాక్‌ మార్కెట్లు బుధవారం స్వల్ప నష్టాల్లో ముగిశాయి. ఆసియా, అంతర్జాతీయ మార్కెట్ల నుంచి మిశ్రమ సంకేతాలే అందాయి. మదుపర్లు ఆచితూచి కొనుగోళ్లు చేపట్టారు. ఎన్‌ఎస్‌ఈ నిఫ్టీ (NSE Nifty) 9 పాయింట్ల నష్టంతో 18,122 బీఎస్‌ఈ సెన్సెక్స్‌ (BSE Sensex) 17 పాయింట్ల నష్టంతో 60,910 వద్ద ముగిశాయి. డాలర్‌తో పోలిస్తే రూపాయి ఫ్లాట్‌గా 82.86 వద్ద స్థిరపడింది.

BSE Sensex

క్రితం సెషన్లో 60,927 వద్ద ముగిసిన బీఎస్‌ఈ సెన్సెక్స్‌ నేడు 60,811 వద్ద మొదలైంది. 60,713 వద్ద ఇంట్రాడే కనిష్ఠాన్ని తాకింది. 61,075 వద్ద ఇంట్రాడే గరిష్ఠాన్ని అందుకుంది. చివరికి 17 పాయింట్ల నష్టంతో 60,910 వద్ద కొనసాగుతోంది.

NSE Nifty

మంగళవారం 18,132 వద్ద ముగిసిన ఎన్‌ఎస్‌ఈ నిఫ్టీ బుధవారం 18,084 వద్ద ఓపెనైంది. 18,068 వద్ద ఇంట్రాడే కనిష్ఠాన్ని చేరుకుంది. 18,173 వద్ద ఇంట్రాడే గరిష్ఠాన్ని అందుకుంది. మొత్తంగా 9 పాయింట్ల నష్టంతో 18,122 వద్ద క్లోజైంది.

Nifty Bank

నిఫ్టీ బ్యాంక్‌ స్వల్పంగా నష్టపోయింది. ఉదయం 42,733 వద్ద మొదలైంది. 42,694 వద్ద ఇంట్రాడే కనిష్ఠాన్ని తాకింది. 42,034 వద్ద ఇంట్రాడే గరిష్ఠాన్ని అందుకుంది. ఆఖరికి 31 పాయింట్లు తగ్గి 42,827 వద్ద స్థిరపడింది.

Gainers and Lossers

నిఫ్టీ 50లో 19 కంపెనీలు లాభాల్లో 31 నష్టాల్లో ముగిశాయి. టైటాన్‌, ఎం అండ్‌ ఎం, పవర్‌గ్రిడ్‌, మారుతీ, యూపీఎల్‌ షేర్లు లాభపడ్డాయి. అపోలో హాస్పిటల్స్‌, భారతీ ఎయిర్‌టెల్‌, హిందాల్కో, బజాజ్‌ ఫిన్‌సర్వ్‌, యాక్సిస్‌ బ్యాంక్‌ షేర్లు నష్టపోయాయి. బ్యాంకు, ఐటీ, మెటల్‌, ఫార్మా, పీఎస్‌యూ బ్యాంక్, హెల్త్‌కేర్‌ సూచీలు పతనమయ్యాయి. ఆటో,  మీడియా, రియాల్టీ, కన్జూమర్‌ డ్యురబుల్స్‌, ఆయిల్‌ అండ్‌ గ్యాస్‌ సూచీలు గ్రీన్‌లో మెరిశాయి.

Disclaimer: ఈ వార్త కేవలం సమాచారం కోసం మాత్రమే! మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్ల పెట్టుబడులు ఒడుదొడుకులకు లోనవుతాయి. మార్కెట్‌ పరిస్థితులను బట్టి రాబడి మారుతుంటుంది. ఫలానా ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని ఏబీపీ దేశం చెప్పడం లేదు. పెట్టుబడి పెట్టేముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

 

 

 

 

 

View this post on Instagram

 

 

 

 

 

 

 

 

 

 

 

A post shared by NSE India (@nseindia)