Stock Market Closing 18 July 2023:


స్టాక్‌ మార్కెట్లు మంగళవారం సరికొత్త గరిష్ఠాలకు చేరుకున్నాయి. ఇన్వెస్టర్ల కొనుగోళ్ల మద్దతుతో సెన్సెక్స్‌ 67,000 మైలురాయిని టచ్‌ చేసి వెనక్కి వచ్చేసింది. ఎన్‌ఎస్‌ఈ నిఫ్టీ (NSE Nifty) 37 పాయింట్లు పెరిగి 19,749 బీఎస్‌ఈ సెన్సెక్స్‌ (BSE Sensex) 205 పాయింట్లు పెరిగి 66,795 వద్ద ముగిశాయి. ఐటీ షేర్లకు డిమాండ్‌ పెరిగింది. డాలర్‌తో పోలిస్తే రూపాయి 82.04 వద్ద స్థిరపడింది.


BSE Sensex (బీఎస్ఈ సెన్సెక్స్)


క్రితం సెషన్లో 66,589 వద్ద ముగిసిన బీఎస్‌ఈ సెన్సెక్స్‌ నేడు 66,828 వద్ద మొదలైంది. 66,575 వద్ద ఇంట్రాడే కనిష్ఠాన్ని తాకింది. 67,007 వద్ద ఇంట్రాడే గరిష్ఠాన్ని అందుకుంది. చివరికి 205 పాయింట్ల లాభంతో 66,795 వద్ద ముగిసింది.



NSE Nifty (ఎన్ఎస్ఈ నిఫ్టీ)


సోమవారం 19,711 వద్ద ముగిసిన ఎన్‌ఎస్‌ఈ నిఫ్టీ మంగళవారం 19,787 వద్ద ఓపెనైంది. 19,690 వద్ద ఇంట్రాడే కనిష్ఠాన్ని చేరుకుంది. 19,819 వద్ద ఇంట్రాడే గరిష్ఠాన్ని అందుకుంది. మొత్తంగా 37 పాయింట్లు పెరిగి 19,749 వద్ద క్లోజైంది.


Nifty Bank (బ్యాంకు నిఫ్టీ)


నిఫ్టీ బ్యాంక్‌ నష్టపోయింది. ఉదయం 45,754 వద్ద మొదలైంది. 45,281 వద్ద ఇంట్రాడే కనిష్ఠాన్ని తాకింది. 45,905 వద్ద ఇంట్రాడే గరిష్ఠాన్ని అందుకుంది. సాయంత్రం 38 పాయింట్లు తగ్గి 45,410 వద్ద స్థిరపడింది.


Gainers and Lossers (టాప్ గెయినర్స్, టాప్ లాసర్స్)


నిఫ్టీ 50లో 21 కంపెనీలు లాభాల్లో 29 నష్టాల్లో ఉన్నాయి. ఇన్ఫీ, ఏసియన్‌ పెయింట్స్‌, హెచ్‌సీఎల్‌ టెక్‌, రిలయన్స్‌, హీరోమోటో కార్ప్‌ షేర్లు లాభపడ్డాయి. ఎల్‌టీఐ మైండ్‌ట్రీ, హెచ్‌డీఎఫ్‌సీ లైఫ్‌, ఎస్బీఐ, బ్రిటానియా, టైటాన్‌ షేర్లు నష్టపోయాయి. ఐటీ సూచీ మాత్రమే ఎగిసింది. ఫైనాన్స్‌, ఎఫ్‌ఎంసీజీ, మీడియా, మెటల్‌, పీఎస్‌యూ బ్యాంక్‌, రియాల్టీ, హెల్త్‌కేర్‌ సూచీలు పతనం అయ్యాయి. 


బంగారం, వెండి ధరలు (Gold, Silver Prices)


నేడు విలువైన లోహాల ధరలు స్వల్పంగా పెరిగాయి. 24 క్యారెట్ల స్వచ్ఛమైన బంగారం 10 గ్రాముల ధర రూ.120 పెరిగి రూ.60,100 వద్ద కొనసాగుతోంది. కిలో వెండి రూ.300 పెరిగి రూ.78,000 వద్ద కొనసాగుతోంది. ప్లాటినం 10 గ్రాముల ధర రూ.440 పెరిగి రూ.25,920 వద్ద ఉంది.


Also Read: పతంజలి ఫుడ్స్‌పై కన్నేసిన 'అదానీ ఇన్వెస్టర్‌'! టార్గెట్‌ పెంచేశారుగా!!


Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.


ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.


Join Us on Telegram: https://t.me/abpdesamofficial