Stock Market News: నిఫ్టీ 19వేలకు 200 దూరం! సెన్సెక్స్‌ 467 పాయింట్లు గెయిన్‌ - బ్యాంక్‌, ఫైనాన్స్‌ షేర్లకు డిమాండ్‌!

Stock Market Closing 16 June 2023: 

స్టాక్‌ మార్కెట్లు శుక్రవారం భారీ లాభాల్లో ముగిశాయి. గురువారం నాటి అంతరాన్ని పూడ్చేశాయి. అంతర్జాతీయ మార్కెట్ల నుంచి మిశ్రమ సంకేతాలు అందాయి. మధ్యాహ్నం వరకు మోస్తరుగా పెరిగిన సూచీలు ఐరోపా మార్కెట్లు తెరవగానే రివ్వున ఎగిశాయి. మదుపర్లు ఎగబడి మరీ బ్యాంకు, ఫైనాన్స్‌ స్టాక్స్‌ కొనుగోలు చేశారు. ఎన్‌ఎస్‌ఈ నిఫ్టీ (NSE Nifty) 137 పాయింట్లు పెరిగి 18,826 బీఎస్‌ఈ సెన్సెక్స్‌ (BSE Sensex) 466 పాయింట్లు ఎగిసి 63,384 వద్ద ముగిశాయి. డాలర్‌తో పోలిస్తే రూపాయి 25 పైసలు బలపడి 81.93 వద్ద స్థిరపడింది.

BSE Sensex (బీఎస్ఈ సెన్సెక్స్)

క్రితం సెషన్లో 62,917 వద్ద ముగిసిన బీఎస్‌ఈ సెన్సెక్స్‌ నేడు 62,960 వద్ద మొదలైంది. 62,957 వద్ద ఇంట్రాడే కనిష్ఠాన్ని తాకింది. 63,520 వద్ద ఇంట్రాడే గరిష్ఠాన్ని అందుకుంది. చివరికి 466 పాయింట్ల లాభంతో 63,384 వద్ద ముగిసింది.

NSE Nifty (ఎన్ఎస్ఈ నిఫ్టీ)

గురువారం 18,688 వద్ద ముగిసిన ఎన్‌ఎస్‌ఈ నిఫ్టీ శుక్రవారం 18,723 వద్ద ఓపెనైంది. 18,710 వద్ద ఇంట్రాడే కనిష్ఠాన్ని చేరుకుంది. 18,864 వద్ద ఇంట్రాడే గరిష్ఠాన్ని అందుకుంది. మొత్తంగా 137 పాయింట్లు పెరిగి 18,826 వద్ద క్లోజైంది.

Nifty Bank (బ్యాంకు నిఫ్టీ)

నిఫ్టీ బ్యాంక్‌ లాభపడింది. ఉదయం 43,583 వద్ద మొదలైంది. 43,536 వద్ద ఇంట్రాడే కనిష్ఠాన్ని తాకింది. 44,083 వద్ద ఇంట్రాడే గరిష్ఠాన్ని అందుకుంది. సాయంత్రం 494 పాయింట్లు ఎగిసి 43,938 వద్ద స్థిరపడింది.

Gainers and Lossers (టాప్ గెయినర్స్, టాప్ లాసర్స్)

నిఫ్టీ 50లో 38 కంపెనీలు లాభాల్లో 12 నష్టాల్లో ఉన్నాయి. హెచ్డీఎఫ్‌సీ లైఫ్, ఎస్బీఐ లైఫ్‌, బజాజ్ ఫిన్‌సర్వ్‌, డాక్టర్‌ రెడ్డీస్‌, టైటాన్‌ షేర్లు లాభపడ్డాయి. బజాజ్‌ ఆటో, విప్రో, టీసీఎస్‌, ఓఎన్జీసీ, బీపీసీఎల్‌ షేర్లు నష్టపోయాయి. ఐటీ, రియాల్టీ మినహా మిగతా రంగాల సూచీలు ఎగిశాయి. బ్యాంకు, ఫైనాన్స్‌, ఎఫ్‌ఎంసీజీ, మీడియా, ఫార్మా, హెల్త్‌కేర్‌ సూచీలు గ్రీన్‌లో కళకళలాడాయి. 

బంగారం, వెండి ధరలు (Gold, Silver Prices)

నేడు విలువైన లోహాల ధరలు పెరిగాయి. 24 క్యారెట్ల స్వచ్ఛమైన బంగారం 10 గ్రాముల ధర రూ.440 పెరిగి రూ.60,110గా ఉంది. కిలో వెండి రూ.73,100 వద్ద కొనసాగుతోంది. ప్లాటినం 10 గ్రాముల ధర రూ.390 పెరిగి రూ.26,000 వద్ద ఉంది. 

Also Read: ఎక్కువ వడ్డీ ఇచ్చే స్పెషల్‌ FDs, ఈ నెల వరకే ఈ గోల్డెన్‌ ఛాన్స్‌

Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

Attention Investors! Key considerations for smart investors when signing a Power of Attorney (PoA). Know more: https://t.co/9wkVNEad7M#NSE #NSEIndia #PoA #SochKarSamajhKarInvestKar @ashishchauhan pic.twitter.com/BOkQTZi6JA

— NSE India (@NSEIndia) June 16, 2023

MIDCPNIFTY Derivatives touches new high - over 38 lakhs contracts traded.
We are grateful to all the market participants & intermediaries in achieving this milestone.#MIDCPNIFTY #FNO #Index #Options #Futures #trading #Derivatives #NSEIndia @ashishchauhan pic.twitter.com/dULj2SEaEu

— NSE India (@NSEIndia) June 16, 2023

_ price is the price for orders after the orders get triggered from the stop loss book

— NSE India (@NSEIndia) June 15, 2023