By: ABP Desam | Updated at : 21 Oct 2022 03:21 PM (IST)
Edited By: Arunmali
దీపావళి జువ్వలా దూసుకెళ్లిన కెనరా బ్యాంక్ షేర్
Canara Bank Shares: ఈ ఆర్థిక సంవత్సరం రెండో త్రైమాసికంలో లాభాన్ని రెట్టింపు చేసి చూపడంతో, ప్రభుత్వ యాజమాన్యంలో పని చేసే కెనరా బ్యాంక్ షేర్లు ఇవాళ్టి (శుక్రవారం) ఇంట్రాడే ట్రేడ్లో 4.6 శాతం పెరిగి రూ. 270.90కి చేరుకున్నాయి. ఈ కౌంటర్ 52 వారాల గరిష్ట స్థాయి అయిన రూ. 272.80 మార్క్ సమీపంలోకి వెళ్లాయి.
నిన్నటి (గురువారం) ముగింపు ధర రూ. 258.90తో పోలిస్తే, ఇవాళ మధ్యాహ్నం 3 గంటల సమయానికి ఈ స్క్రిప్ 3.75 శాతం పెరిగి రూ. 268.60 వద్ద ట్రేడవుతోంది.
గత ఆరు నెలల కాలంలో ఈ స్టాక్ ధర 35 రూపాయలు లేదా 15 శాతం పైగా పెరిగింది. ఏడాది ప్రాతిపదికన చూస్తే, 69 రూపాయలు లేదా 35 శాతం ర్యాలీ చేసింది. ఈ క్యాలెండర్ ఇయర్లో ఇప్పటివరకు (YTD) 63 రూపాయలు లేదా 31 శాతం పెరిగింది.
Q2 ఫలితాలు
సెప్టెంబర్ త్రైమాసికంలో, కెనరా బ్యాంక్ రూ. 2,525 కోట్ల నికర లాభాన్ని ఆర్జించింది. గత ఏడాది ఇదే త్రైమాసికంలో మిగిలిన రూ. 1,333 కోట్ల లాభంతో పోలిస్తే ఇది 89 శాతం వృద్ధి. మొత్తం ఆదాయం గత ఏడాదిలోని రూ. 21,331.49 కోట్ల నుంచి ఇప్పుడు రూ. 24,932.19 కోట్లకు (YoY) పెరిగిందని రెగ్యులేటరీ ఫైలింగ్లో బ్యాంక్ పేర్కొంది.
నికర వడ్డీ ఆదాయం (NII) రూ. 6,273 కోట్ల నుంచి 18.54 శాతం (YoY) వృద్ధితో పెరిగి రూ. 7,434 కోట్లకు చేరింది. నికర వడ్డీ మార్జిన్ (NIM) 2.73 శాతం నుంచి 2.83 శాతానికి పెరిగింది. నిర్వహణ లాభం (ఆపరేటింగ్ ప్రాఫిట్) 23 శాతం పెరిగి రూ. 6,905 కోట్లకు చేరింది.
స్థూల నిరర్థక ఆస్తులు (GNPAs) గత ఆర్థిక సంవత్సరం రెండో త్రైమాసికంలోని 8.42 శాతం నుంచి ఇప్పుడు 6.37 శాతానికి (YoY) తగ్గాయి. నికర నిరర్ధక ఆస్తులు (NNPAs) కూడా 3.22 శాతం నుంచి తగ్గి 2.19 శాతానికి పరిమితమయ్యాయి. మొండి బకాయిలు, ఆకస్మిక వ్యయాల కోసం చేసే కేటాయింపులు (Provisions) రూ. 2,678.48 కోట్ల నుంచి రూ. 2,745.03 కోట్లకు పెరిగాయి. కేటాయింపులు పెరగడం ఆందోళనకర విషయం.
ప్రస్తుత ఆర్థిక సంవత్సరంలో 8 శాతం రుణ వృద్ధిని సాధిస్తామని కెనరా బ్యాంక్ గెడెన్స్ ఇచ్చింది.
Disclaimer: ఈ వార్త కేవలం సమాచారం కోసం మాత్రమే. మ్యూచువల్ ఫండ్లు, స్టాక్ మార్కెట్, క్రిప్టో కరెన్సీ, షేర్లు, ఫారెక్స్, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్ ఫండ్, స్టాక్, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్ ఫైనాన్షియల్ అడ్వైజర్ల నుంచి సలహా తీసుకోవడం మంచిది.
ETFs: ఈటీఎఫ్ అంటే ఏంటి - ఎన్ని రకాలు ఉన్నాయి, ఏది బెస్ట్?
Debt Fund: డెట్ మ్యూచువల్ ఫండ్ అంటే ఏంటి! - సరైన ఫండ్ను ఎలా ఎంచుకోవాలి?
Investment Opportunity: కొత్త ఫండ్ ఆఫర్లు వస్తున్నాయ్, పెట్టుబడిదార్లకు భలే అవకాశం!
Mutual Funds: ఈ మ్యూచువల్ ఫండ్స్ పెట్టుబడిదార్లు అదృష్టవంతులు, భారీ లాభాలు కళ్లజూశారు
Mutual Fund: మ్యూచువల్ ఫండ్స్ రికార్డ్, ప్రభంజనంలా వచ్చి పడుతున్న జనం
Telugu Movies: 'జాతి రత్నాలు' to 'టిల్లు స్క్వేర్'... కామెడీ కాదు, కోవిడ్ తర్వాత కోట్లు కొల్లగొట్టిన పైసా వసూల్ ఫార్ములా
IPL 2024: చెన్నైపై లఖ్నవూ విజయం , శతకంతో అదరగొట్టిన మార్కస్ స్టాయినిస్
KCR Comments: మేడిగడ్డ బ్యారేజీని మేమే రిపేర్ చేయిస్తం, వాళ్లు అడ్డొస్తే తొక్కుకుంటూ పోతాం - కేసీఆర్ సంచలన వ్యాఖ్యలు
Fact Check: అల్లు అర్జున్ కాంగ్రెస్ పార్టీకి ఎన్నికల ప్రచారం చేస్తున్నారా? ఇదిగో క్లారిటీ