17th November 2022 Daily Horoscope Today: కెరీర్, వ్యాపారం, ఉద్యోగం, ఆర్థిక , వైవాహిక జీవితం పరంగా ఈ రోజు ఏ రాశివారికి ఎలా ఉందో తెలుసుకుందాం.
మేష రాశి
ఇతరుల పట్ల చెడు ఉద్దేశాలు కలిగిఉండడం మానసిక ఒత్తిడికి దారి తీస్తుంది...అందుకే అలాంటి ఆలోచనలకు దూరంగా ఉండండి. అనవసర విషయాలకు సమయం వృధా చేయొద్దు. ఆర్థిక పరిస్థితి అంతంత మాత్రంగా ఉండడం వల్ల కొన్ని ముఖ్యమైన పనులు మధ్యలో నిలిచిపోవచ్చు. పిల్లలతో ప్రేమగా మాట్లాడండి.
వృషభ రాశి
ఈ రోజు మీకు అద్భుతమైన రోజు అవుతుంది. మీ ఆరోగ్యం మెరుగ్గా ఉంటుంది. ఏ పని ప్రారంభించినా అందులో మీరు విజయం సాధిస్తారు. పాత మిత్రులను కలుసుకోవచ్చు.
మిథున రాశి
ఈ రోజు మీకు అంతగా సానుకూలంగా ఉండదు. భవిష్యత్ ప్రణాళికల కోసం మీరు కొత్త పరిచయాలను ఏర్పరచుకోవలసి ఉంటుంది. ఈ రోజు ఏర్పడే పరిచయాలు మీ పురోగతికి ఉపయోగపడతాయి. మీ వైఖరిలో చిన్న మార్పు మీ మనస్సులో సానుకూల మార్పును తెస్తుంది.
Also Read: గ్రహస్థితి బాగోపోవడం అంటే ఏంటి, ఏ గ్రహం ఎలాంటి ప్రభావం చూపిస్తుంది!
కర్కాటక రాశి
ఆరోగ్యం పట్ల ఎక్కువ శ్రద్ధ అవసరం. ఆదాయాన్ని పెంచుకునే మార్గాలు ఆలోచించేందుకు ఇదే మంచిసమయం. నిరంతరం పిల్లలపై కోప్పడడం వల్ల వారి భవిష్యత్ పై ప్రభావం పడుతుంది. కాస్త ఓపికగా వ్యవహరించండి.. పిల్లలకు స్వేచ్ఛనివ్వండి
సింహ రాశి
ఈ రోజంతా మీకు బాగానే ఉంటుంది. ఏదైనా కొత్త పనిని ప్రారంభించే ముందు ఇంటి పెద్దల సలహా తీసుకోండి. ఆర్థిక లావాదేవీల విషయంలో జాగ్రత్త అవసరం. విద్యార్థులు చదువుపై మాత్రమే దృష్టి సారించాలి
కన్యా రాశి
ఈ రోజు మీ సంపాదన బావుంటుంది..ఆర్థికంగా బలపడే అవకాశాన్ని అస్సలు వదలొద్దు. మీ ప్రణాళికలను పూర్తిస్థాయిలో అమలు చేసేందుకు మంచి రోజు. ఎవరితోనైనా వివాదం జరిగే అవకాశం ఉంది..జాగ్రత్త. లావాదేవీలు జరిపేటప్పుడు జాగ్రత్తగా ఉండండి. కుటుంబ సభ్యులతో విభేదాలు ఏర్పడవచ్చు.
తులా రాశి
జీవితంలో ఉత్తమమైన విషయాలను అనుభూతి చెందడానికి మీ మనస్సుని ప్రశాంతంగా పెట్టుకోండి. అనవసర ఆందోళనలు విడిచిపెట్టండి. మీ ఖర్చులను నియంత్రించండి..దుబారాకు దూరంగా ఉండండి.
వృశ్చిక రాశి
ఈ రోజు మీకు సానుకూలంగా ఉంటుంది. మీ ఆరోగ్యం మునుపటి కంటే మెరుగ్గా ఉంటుంది. కొత్త వ్యాపార ప్రణాళికల కోసం ఇంట్లో చర్చ జరుగుతుంది. మీలో కొన్ని మార్పులు అవసరం...ఆలోచించి మిమ్మల్ని మీరు మార్చుకునేందుకు ఇదే మంచిరోజు. భవిష్యత్ ప్రణాళికలు వేసుకోండి..
Also Read: 'అంతా మా కర్మ', 'ప్రారబ్ధం' అంటారు కదా, ఎందుకలా అంటారు - కర్మ అంటే ఏంటి!
ధనుస్సు రాశి
ఎప్పటి నుంచో ఆగిపోయిన పనులన్నీ పూర్తిచేసేందుకు ఇదే మంచిరోజు. రాబోయే సమయం మీ జీవితాన్ని మారుస్తుంది. త్వరలో మీరు ప్రారంభించే ఏ పనిలో అయినా విజయం సాధిస్తారు. ఆరోగ్య విషయంలో నిర్లక్ష్యంగా ఉండొద్దు. ఆధ్యాత్మిక విషయాలపై ఆసక్తి పెరుగుతుంది.
మకర రాశి
ఇంటికి సంబంధించిన కొన్ని వస్తువులు కొనుగోలు చేసేందుకు ఈ రోజు మంచిరోజు. తలపెట్టిన పనులకు స్నేహితుల నుంచి మద్దతు లభిస్తుంది. చిన్న చిన్న విషయాల్లో జీవిత భాగస్వామితో విభేదాలు మిమ్మల్ని డిస్ట్రబ్ చేస్తాయి.
కుంభ రాశి
న్యాయపరమైన రంగానికి సంబంధించిన వారికి ఈ రోజు మంచిరోజు. మీ మాటలను అదుపులో ఉంచుకోవాలి. కొత్తగా తలపెట్టే పని లాభాన్నిస్తుంది. ప్రణాళికలు వేసుకునేందుకు ఈ రోజు మంచిరోజు. మీరు ప్రారంభించే పనులకు తల్లిదండ్రుల నుంచి మద్దతు లభిస్తుంది.
మీన రాశి
ఈ రోజు మీకు అన్నీ సానుకూల ఫలితాలే ఉంటాయి. మీ అభిప్రాయాలకు విలువ పెరుగుతుంది. అనుకోని ప్రయోజనాలు పొందుతారు. దంపతుల మధ్య సఖ్యత ఉంటుంది. ఉద్యోగులు, వ్యాపారులకు శుభసమయం..